Donald Trump: పోర్న్ స్టార్ స్టార్మీ డేనియల్స్కు సంబంధించిన హష్ మనీ కేసులో అమెరికా మాజీ అధ్యక్షుడు డొనాల్డ్ ట్రంప్ (Donald Trump)కు శిక్ష పడింది. ఈ కేసులో ట్రంప్ 34 అభియోగాలను ఎదుర్కొంటున్నారు. అన్ని ఆరోపణలపై పోలీసు విచారణ పూర్తయిన తర్వాత నివేదిక ఆధారంగా కోర్టు అతన్ని దోషిగా నిర్ధారించింది. అతడికి జూలై 11న శిక్ష ఖరారు కానుంది. దీంతో క్రిమినల్ కేసులో శిక్ష పడిన తొలి అమెరికా అధ్యక్షుడిగా ట్రంప్ నిలిచారు. ఓ పోర్న్ స్టార్తో సంబంధాలు పెట్టుకున్నారని, ఆమె నోరు మూయించడానికి డబ్బు కూడా చెల్లించారని ప్రధాన ఆరోపణ. డబ్బు ఇచ్చిన విషయాన్ని దాచిపెట్టేందుకు తప్పుడు పత్రాలు సిద్ధం చేశారని తెలుస్తోంది. రెండు రోజుల పాటు జరిగిన విచారణలో వాదనలు విన్న 12 మంది సభ్యుల ధర్మాసనం ఆయనను దోషిగా నిర్ధారించి కేసు విచారణను జూలై 11కి వాయిదా వేసింది.
ట్రంప్కు ఎలాంటి శిక్ష విధించవచ్చు?
పోర్న్ స్టార్ కేసులో డోనాల్డ్ ట్రంప్కు జూలై 11న జస్టిస్ జువాన్ మార్చెన్ శిక్ష విధించనున్నారు. అయితే అతనికి గరిష్టంగా 4 సంవత్సరాల జైలు శిక్ష విధించవచ్చు. ట్రంప్ తనపై వచ్చిన ఆరోపణలన్నింటినీ ఖండించారు. తనకు పోర్న్ స్టార్తో సంబంధాలు లేవని, ఎలాంటి అవకతవకలు జరగలేదని కోర్టుకు తెలిపాడు. తనపై కుట్ర పన్నారని, విచారణలో అవకతవకలు జరిగాయని అన్నారు. శిక్షకు వ్యతిరేకంగా తాము పోరాడుతామని, జూన్ 5న దేశ ప్రజలు తమ నిర్ణయం తీసుకుంటారన్నారు.
Also Read: T20 World Cup 2024: ఓపెనర్గా విరాట్ కోహ్లీ.. ఐర్లాండ్తో తలపడే టీమిండియా జట్టు ఇదేనా..?
ఎన్నికల అభ్యర్థిత్వంపై ఎలాంటి ప్రభావం చూపుతుంది?
మీడియా కథనాల ప్రకారం.. డొనాల్డ్ ట్రంప్కు జైలు శిక్ష విధించబడినా అతను ఎన్నికల్లో పోటీ చేయగలడు. ఎన్నికలలో గెలిచినా అధ్యక్షుడిగా ప్రమాణ స్వీకారానికి అడ్డుకట్ట వేయకుండా ప్రచారం కూడా చేయగలరు. రిపబ్లిక్ పార్టీ నేషనల్ కన్వెన్షన్ జూలై 15న ప్రారంభమవుతుందని, అందులో పార్టీ అధ్యక్ష అభ్యర్థిగా ట్రంప్ పేరు ప్రకటించబడుతుంది.
We’re now on WhatsApp : Click to Join
విషయం ఏమిటి?
వార్తా సంస్థ రాయిటర్స్ ప్రకారం.. ఈ కేసు 2006 నాటిది. వైట్హౌస్లోని ఓ పోర్న్ స్టార్తో ట్రంప్కు సంబంధాలు ఉన్నాయి. ఈ విషయం 2016లో వెలుగులోకి వచ్చింది. ఈ విషయాన్ని బయటపెడతానని పోర్న్ స్టార్ బెదిరించగా.. ఆమె నోరు మెదపకుండా ఉండేందుకు ట్రంప్ ఆమెకు 1.30 లక్షల డాలర్లు ఇచ్చాడు. ఇదొక్కటే కాదు.. డబ్బు చెల్లింపును దాచడానికి రికార్డులను తారుమారు చేశారు. ఈ విషయాన్ని స్వయంగా పోర్న్ స్టార్ 2018లో వాల్ స్ట్రీట్ జర్నల్కి వెల్లడించి, వివాదంపై క్రిమినల్ కేసు పెట్టింది.