బుధువారం బారామతిలోని జరిగిన ఘోర విమాన ప్రమాదంలో మహారాష్ట్ర డిప్యూటీ సీఎం అజర్ పవర్ మరణ వార్త నుండి ఇంకా బయటపడకముందే మరో విమాన ప్రమాద వార్త మీడియా లో హాట్ టాపిక్ అయ్యింది. కొలంబియాలో చోటుచేసుకున్న ఘోర విమాన ప్రమాదం ఆ దేశాన్ని దిగ్భ్రాంతికి గురిచేసింది. ఈ విషాదకర విమాన ప్రమాదంలో మొత్తం 15 మంది ప్రాణాలు కోల్పోయారు. మృతుల్లో 13 మంది ప్రయాణికులు ఉండగా, ఇద్దరు విమాన సిబ్బంది ఉన్నారు. ఈ ప్రమాదంలో ఆ దేశ శాసనసభ్యుడు డియోజెనెస్ క్వింటెరో మరణించడం రాజకీయంగా పెద్ద లోటుగా పరిణమించింది. విమానం గాల్లోకి ఎగిరిన కొద్దిసేపటికే కుప్పకూలడంతో సహాయక చర్యలు చేపట్టే లోపే అందరూ మరణించినట్లు తెలుస్తోంది. మృతదేహాలను వెలికితీసేందుకు అధికారులు తీవ్రంగా శ్రమిస్తున్నారు.
ప్రమాదం జరిగిన తీరు అధికారుల సమాచారం ప్రకారం, ఈ విమానం కుకుటాలోని విమానాశ్రయం నుండి బయలుదేరిన కేవలం 9 నిమిషాల్లోనే ప్రమాదానికి గురైంది. టేకాఫ్ అయిన కొద్దిసేపటికే విమాన నియంత్రణ గదితో సంబంధాలు తెగిపోయాయి. క్వింటెరో బృందం తెలిపిన వివరాల ప్రకారం, విమానంతో కాంటాక్ట్ కట్ అయిన వెంటనే గాలింపు చర్యలు చేపట్టారు. వెనిజులా సరిహద్దులో ఉన్న ఒక అత్యంత మారుమూల ప్రాంతంలో విమానం కూలిపోయినట్లు గుర్తించారు. దట్టమైన అటవీ ప్రాంతం లేదా భౌగోళిక పరిస్థితుల వల్ల ఈ ప్రమాదం సంభవించి ఉండవచ్చని ప్రాథమికంగా భావిస్తున్నారు.
Shocking Truths About Ajit
దర్యాప్తు మరియు విషాద ఛాయలు ఈ ఘటనపై కొలంబియా ప్రభుత్వం ఉన్నత స్థాయి దర్యాప్తుకు ఆదేశించింది. సాంకేతిక లోపం వల్ల ప్రమాదం జరిగిందా లేక వాతావరణ పరిస్థితులు కారణమా అనే కోణంలో విచారణ జరుపుతున్నారు. సరిహద్దు ప్రాంతంలో ప్రమాదం జరగడంతో సహాయక బృందాలు అక్కడికి చేరుకోవడానికి కొంత సమయం పట్టింది. ఒక ప్రజా ప్రతినిధితో పాటు ఇంతమంది పౌరులు మరణించడంతో దేశవ్యాప్తంగా విషాద ఛాయలు అలముకున్నాయి. మృతుల కుటుంబాలకు ప్రభుత్వం ప్రగాఢ సానుభూతిని తెలియజేసింది.