పశ్చిమాఫ్రికాలోని బుర్కినా ఫాసో (Burkina Faso)లో రోజురోజుకూ పెద్ద సంఖ్యలో జనం మృత్యువాత పడుతున్నారనే వార్తలు తెరపైకి వస్తున్నాయి. 60 మంది పౌరులను బలిగొన్న (60 Killed) ఉదంతం ఇటీవల తెరపైకి వచ్చింది. హత్యకు పాల్పడిన నిందితులు బుర్కినాబే సైనికుల దుస్తులు ధరించి ఉన్నారని చెబుతున్నారు. ఓహిగౌయా పోలీసుల నుండి అందిన సమాచారం ప్రకారం లామిన్ కబోర్ అనే వ్యక్తి ఆదివారం సంఘటన గురించి సమాచారం ఇచ్చాడు.
ఆఫ్రికన్ దేశమైన మాలికి సమీపంలోని సరిహద్దు ప్రాంతాల్లోని యటెంగా ప్రావిన్స్లోని కర్మ గ్రామంపై దాడి జరిగిన తర్వాత దర్యాప్తు ప్రారంభించినట్లు లామిన్ కబోర్ తెలిపారు. ఈ విచారణలో 60 మంది పౌరులు మరణించినట్లు తేలింది. తాజాగా బుర్కినా ఫాసోలో హృదయ విదారకమైన ఉదంతం వెలుగులోకి వచ్చింది. అనుమానిత జిహాదీలు ఏప్రిల్ 15న ఇక్కడ 40 మందిని హతమార్చారు. 34 మంది సహాయక వాలంటీర్లు, 6 మంది తాత్కాలిక సైనికులు తమ నేల రక్షణలో మరణించారని అధికారిక ప్రకటన తెలిపింది. కాగా 33 మంది గాయపడ్డారు. 2022 నుండి పౌరులపై సాయుధ సమూహాల దాడులు పెరిగాయని, రాష్ట్ర భద్రతా దళాలు, స్వచ్ఛంద రక్షణ దళాలు అనేక ఉగ్రవాద వ్యతిరేక కార్యకలాపాలను నిర్వహించాయని మార్చిలో హ్యూమన్ రైట్స్ వాచ్ తెలిపింది.
Also Read: Food Grain Production: రికార్డు స్థాయిలో గోధుమలు, బియ్యం ఉత్పత్తి.. కానీ పప్పుధాన్యాలు దిగుమతి..!
గత సంవత్సరం బుర్కినా ఫాసోలో సైన్యం రెండు తిరుగుబాట్లు నిర్వహించింది. అయితే దీని తర్వాత కూడా దేశంలో హింస కొనసాగుతోంది. 2012లో మాలిలో టువరెగ్ వేర్పాటువాద తిరుగుబాటును ఇస్లామిస్టులు హైజాక్ చేయడంతో ఈ ప్రాంతంలో అశాంతి మొదలైంది. అప్పటి నుండి హింస పొరుగున ఉన్న బుర్కినా ఫాసో, నైజర్లకు వ్యాపించింది. ఇప్పటివరకు వేలాది మంది మరణించగా, 2.5 మిలియన్లకు పైగా ప్రజలు నిరాశ్రయులయ్యారు. ఈ జిహాదీల హింస వల్ల గత ఆరేళ్లలో ఈ దేశంలో వేలాది మంది చనిపోగా, 20 లక్షలమంది వలస పోయిన సంగతి తెలిసిందే.