Woman In Hijab Harassed: హిజాబ్ ధరించిన మహిళను వేధింపులకు గురి చేసిన వ్యక్తులు.. చివరికి?

Woman

తాజాగా మహారాష్ట్రలోని ఔరంగాబాద్ లో ఒక దారుణమైన ఘటన వెలుగులోకి వచ్చింది. హిజాబ్ ధరించిన ఒక మహిళను ముగ్గురు వ్యక్తులు వేధింపులకు గురి చేశారు. అంతటితో ఆగని ఆ యువకులు సదరు అమ్మాయి హిందూ యువకుడితో తిరుగుతోందని అవమానించారు. అసభ్యంగా ప్రవర్తించారు. కాగా అందుకు సంబంధించిన వీడియో సోషల్ మీడియాలో వైరల్ గా మారడంతో వెంటనే స్పందించిన పోలీసులు ఆ ముగ్గురు వ్యక్తులను అరెస్టు చేశారు.

తాజాగా ఈ సంఘటన ఔరంగాబాద్ నగరంలోని బేగంపుర పోలీస్ స్టేషన్ పరిధిలో మకై గేట్ ప్రాంతంలో చోటుచేసుకుంది. కాగా ఆ ఈ వీడియోలో హిజాబ్ ధరించిన ఆ యువతిని ఆ ముగ్గురు వ్యక్తులు దూషించడం మొబైల్ ఫోన్ లాక్కోవడం ఆమె బ్యాగు పట్టుకుని వెనక్కి లాగడం లాంటివి చేశారు. వెంటనే సదరు యువతి ఆ ముగ్గురు వ్యక్తులను ఫోన్ తిరిగి ఇవ్వమంటూ వేడుకోవడం ఆ వీడియోలో రికార్డు అయింది.

అయితే పోలీసులు ఆ ఘటనపై స్పందించి యువతని ఫిర్యాదు చేయమని చెప్పగా అందుకు ఆమె భయంతో నిరాకరించినట్టు తెలుస్తోంది. ప్రస్తుతం అందుకు సంబంధించిన వీడియో సోషల్ మీడియాలో చక్కెరలు కొడుతోంది. ఆ వీడియోని చూసిన నెటిజెన్స్ సదరు యువకులపై మండిపడుతున్నారు. వారిని కఠినంగా శిక్షించాలి అంటూ కామెంట్స్ చేస్తున్నారు.