Viral Video: జంతువులలో అల్లరి ఎక్కువ చేసే జంతువుగా కోతికి గుర్తింపు ఉంది. అవి చేసే పనులు అందర్నీ నవ్విస్తూ ఉంటాయి. మనుషులను అనుకరించడంలో ఇవి ముందుంటాయి. వీటికి గమనించే శక్తి ఎక్కువగా ఉంటుంది. వాటి చుట్టుపక్కల ఉండే అన్ని విషయాలను కోతులు గమనిస్తూ ఉంటాయి. మనుషులు చేసే పనులను గమనించి మనలాగే ఆ పనులను చేసేందుకు ప్రయత్నిస్తాయి. ఇప్పుడు ఇలానే ఓ కోతి చేసిన పని ఇప్పుడు అందర్నీ ఆశ్చర్యానికి గురి చేస్తుంది. దీనికి సంబంధించిన వీడియో సోషల్ మీడియాలో వైరల్గా మారింది.
నెట్టింట్లో మనం జంతువులకు సంబంధించిన చాలా వీడియోలను చూస్తూ ఉంటాం. అలాంటి ఓ ఫన్నీ వీడియో ఇప్పుడు వైరల్ అవుతూ నెటిజెన్లను ఆకర్షిస్తుంది. మనం ఉండే పరిసరాల్లో అప్పుడప్పుడు మనకు కోతులు కనబడుతూ ఉంటాయి. ఇవి మన ఇంటి చుట్టూ తిరుగుతూ ఏదైనా పండ్ల చెట్టు ఉంటే ఎంచక్కా ఆ చెట్టుపై ఎక్కి పండ్లను కోసుకొని తింటూ ఉంటాయి. ఒక్కొకసారి ఇళ్లల్లోకి కూడా వచ్చేస్తాయి. అయితే జంతువులన్నింటి లోకి కోతులే చాలా తెలివైనవి. అలాంటి ఓ తెలివైన కోతికి సంబందించిన ఓ వీడియో ఇప్పుడు సోషల్ మీడియాలో హల్చల్ చేస్తుంది. కోతి చేసిన ఫన్నీ పనికి అందరూ నూరెళ్లబెడుతున్నారు. వీడియోలో ఏముంది..?
ఈ కోతి అచ్చం మనిషి మనుషులు బట్టలు ఉతికినట్లుగా బట్టలు ఉతుకుతూ అందర్నీ ఆశ్చర్యానికి గురి చేస్తుంది. అయితే మనం బట్టలు ఉతికినప్పుడు బట్టలకి సబ్బు రాసి ఆ తర్వాత ఉతుకుతూ ఉంటాము. తరువాత బ్రష్తో కూడా తోముతాము. ఈ కోతి కూడా అచ్చం మనలానే బట్టలకు సబ్బు రాసి ఆ తర్వాత ఉతుకుతుంది. మధ్య మధ్యలో బ్రష్తో కూడా బట్టలను వాష్ చేస్తుంది. ఏదో పైపైన ఉతకడం కాకుండా.. బ్రష్ వాడి మరీ ఉతకడాన్ని చూసి అందరూ ఆశ్చర్యపోతున్నారు.
నెట్టింట్లో వైరల్గా మారిన ఈ వీడియో ఇప్పుడు సోషల్మీడియోలో ట్రెండింగ్ టాపిక్ అయ్యింది. ఈ వీడియోను చూసిన నెటిజెన్లు ఫన్నీ కామెంట్లు పెడుతున్నారు. మనుషుల కన్నా కోతే బాగా బట్టలు వాష్ చేస్తుందని ఒకరు కామెంట్ చేయగా, వాషింగ్ మెషిన్ కొనే బదులు ఎంచక్కా ఓ కోతిని పెంచుకుంటే సరిపోతుందిగా అని మరొకరు కామెంట్ చేస్తున్నారు.