Romantic Stunt : బైక్ పై రొమాంటిక్ స్టంట్ .. రూ. 50వేల ఫైన్ కట్టెల చేసింది !!

ఈ మధ్య యువత సోషల్ మీడియా లో ఫేమస్ అవ్వడం కోసం పిచ్చి పిచ్చి ప్రాణాలు చేస్తూ ప్రాణాల మీదకు తెచ్చుకుంటున్నారు. తాజాగా ఓ యువ జంట అలాగే చేసి పోలీసులకు అడ్డంగా దొరికిపోయారు. ఉత్తరప్రదేశ్‌లోని గోరఖ్‌పూర్‌(Romantic Bike Stunt On Noida)లో యువ జంట బైక్‌లపై రొమాంటిక్ స్టంట్స్ చేస్తూ కెమెరాలకు చిక్కడం కలకలం రేపింది. ఎలాంటి భయం లేకుండా, బైక్ నడుపుతున్న వ్యక్తి తన ముందు పెట్రోల్ ట్యాంక్‌పై అమ్మాయిని కూర్చోబెట్టుకుని ప్రమాదకరంగా ప్రయాణించడం, ఆ దృశ్యాలు సోషల్ మీడియాలో వైరల్ అవ్వడం చూస్తుంటే చాలా ఆందోళన కలిగించే విషయమని చెప్పొచ్చు. ఈ చర్యలు కేవలం వారికి మాత్రమే కాదు, రోడ్డుపై వెళ్లే ఇతర ప్రయాణికులకు కూడా తీవ్రమైన ప్రమాదాలను సృష్టించేవిగా ఉన్నాయి.

Trump Tariff: భార‌త్‌కు మ‌రో షాక్ ఇవ్వ‌నున్న ట్రంప్‌?!

నోయిడాలో జరిగిన ఈ సంఘటనలో యువ జంట ఇలాంటి ప్రమాదకర స్టంట్ చేస్తూ వీడియో తీయించుకున్నారు. ఆ వీడియో సోషల్ మీడియాలో విస్తృతంగా షేర్ అవ్వడంతో పోలీసులు దీనిపై తీవ్రంగా స్పందించారు. ఈ వీడియో ఆధారంగా బైక్ నెంబర్‌ను గుర్తించి ఆ జంటకు రూ. 50000 జరిమానా విధించారు. ఈ ఫైన్ మొత్తాన్ని చూసి చాలా మంది ఆశ్చర్యపోయారు. ఒక చిన్న సరదా కోసం ఇంత పెద్ద మొత్తాన్ని చెల్లించాల్సి రావడం చూస్తే, ఇలాంటి చర్యల పట్ల ప్రభుత్వం ఎంత కఠినంగా వ్యవహరిస్తుందో అర్థమవుతుంది. అయితే ఇలాంటి సంఘటనలు ఉత్తరప్రదేశ్‌లో కొత్తేమీ కాదు. గతంలో కూడా లక్నో, ఘజియాబాద్ వంటి ప్రాంతాల్లో ఇలాంటి కేసులు నమోదయ్యాయి. కొంతమంది యువత సరదా కోసం లేదా సోషల్ మీడియాలో లైకులు, షేర్ల కోసం ఇలాంటి పనులు చేస్తూ ఉంటారు. కానీ, అవి తమ జీవితానికే కాకుండా ఇతరుల జీవితాలకు కూడా ప్రమాదం తీసుకొస్తాయనే విషయాన్ని వాళ్ళు గుర్తించలేకపోతున్నారు. ఇది కేవలం ట్రాఫిక్ నిబంధనల ఉల్లంఘన మాత్రమే కాదు, ఒక సామాజిక బాధ్యతారాహిత్యంగా కూడా చూడాలి.

ఈ సంఘటనల పట్ల పోలీసులు తీవ్రంగా స్పందించడానికి కారణం, భవిష్యత్తులో ఇలాంటి చర్యలు పునరావృతం కాకుండా చూడటమే. బైక్ పై ప్రయాణించేటప్పుడు భద్రతా నియమాలు పాటించడం ఎంత ముఖ్యమో ఈ సంఘటనలు మరోసారి గుర్తు చేస్తున్నాయి. ఒక చిన్న నిర్లక్ష్యం ఎంతటి భారీ మూల్యాన్ని చెల్లించేలా చేస్తుందో ఈ జంటకు విధించిన జరిమానా నిరూపిస్తుంది. ఇలాంటి చర్యల పట్ల ప్రభుత్వం కఠినంగా వ్యవహరించడం సరైనదే. భవిష్యత్తులో ఇలాంటి ఘటనలు జరగకుండా ఉండాలంటే, పోలీసులు మరింత కఠినమైన చర్యలు తీసుకోవాల్సిన అవసరం ఉంది.