Hyderabad: హైదరాబాదులో ప్రేమిస్తే సినిమా సీన్ రిపీట్.. చివరికి?

Hyderabad

ఇటీవల కాలంలో యువత ప్రేమ అనే మోజులో పడి జీవితాలను నాశనం చేసుకుంటున్నారు. కుటుంబ పరువును తీయడంతో పాటు తల్లిదండ్రులకు పుట్టెడు దుఃఖాన్ని మిగులుస్తున్నారు. కొందరు ప్రేమించిన యువతి కోసం ఆత్మహత్య చేసుకోవడం లేదంటే తనకు దక్కని యువతీ మరెవరికి దక్కకూడదని ఆమెను చంపేయడం లాంటివి చేస్తుంటారు. కాగా ఇంకొందరు ప్రేమించిన యువత కోసం గడ్డం పెంచుకోవడం ముందుకు బానిసలుగా మారడం పిచ్చివాళ్లుగా మారి రోడ్లపై తిరగడం లాంటివి కూడా జరుగుతూ ఉంటాయి.

ఈ తరహా ఘటనలు ఇప్పటికీ ఎన్నో వెలుగులోకి వచ్చిన విషయం తెలిసిందే.. తాజాగా అటువంటి ఘటనే ఒకటి వెలుగులోకి వచ్చింది. ఒక మతిస్థిమితం లేని వ్యక్తి హైదరాబాదులోని మీర్ పేట్ ప్రాంతంలో పెరిగిన జుట్టు,మాసిన గడ్డం చిరిగిన దుస్తులతో కనిపించాడు. అతన్నీ అటువంటి పరిస్థితులలో చూసిన స్థానికులు వెంటనే నాదర్‌గుల్‌లోని మాతృ దేవోభవ అనాథాశ్రమ నిర్వాహకుడికి సమాచారం అందించారు. స్థానిక సమాచారం మేరకు వెంటనే స్థలానికి చేరుకుని అతడిని ఆ ఆశ్రమ నిర్వాహకులు వారితో పాటు పిలుచుకొని వెళ్లారు.

ఆశ్రమ నిర్వాహకులు సపర్యలు చేసిన అనంతరం వివరాలు అడగగా.. తాను ప్రేమించిన యువతి వేరొకరిని పెళ్లి చేసుకొని వెళ్లిపోవడంతో తను అటువంటి పరిస్థితికి దీనస్థితికి వచ్చాను అని చెప్పుకొచ్చాడు ఆ వ్యక్తి. ప్రేమిస్తే సినిమాలో హీరో మాదిరిగా తయారైనట్లు ఆ యువకుడు తెలిపాడు.తన పేరు అర్జున్‌ అని, తాను ఓ అమ్మాయిని ప్రేమిస్తే ఆమె మరో వ్యక్తిని పెళ్లి చేసుకుందని, దాంతో మద్యానికి బానిసై రోడ్ల మీద తిరుగుతున్నట్లు అర్జున్ తెలిపాడు. అయితే ప్రస్తుతం అర్జున్‌ మానసిక స్థితి సరిగాలేదని మాతృదేవోభవ ఆశ్రమ నిర్వాహకులు తెలిపారు. కొద్ది రోజుల తర్వాత ఎర్రగడ్డలోని మానసిక వైద్యశాలకు తీసుకెళ్లి చికిత్స చేయించి మామూలు మనిషిగా మార్చడానికి ప్రయత్నిస్తామని తెలిపారు. అయితే అర్జున్‌ ని ఎవరైనా గుర్తుపడితే 9347513830 ఫోన్‌ నెంబర్‌‌లో సంప్రదించాలని అనాథాశ్రమ నిర్వాహకుడు గిరి కోరారు.