ప్రకాశం జిల్లా మార్కాపురం మండలంలోని దరిమడుగు గ్రామంలో శతాబ్దాలుగా కొనసాగుతున్న ఒక ప్రత్యేకమైన వివాహ ఆచారం స్థానికుల జీవితంలో భాగంగా నిలిచింది. గుమ్మా వెంకట నారాయణ, గంగమ్మల కుమారుడు నాగార్జున వివాహం యర్రగొండపాలెం మండలానికి చెందిన సుమిత్రతో జరిగింది. ఈ వివాహంలో గ్రామ సంప్రదాయాన్ని అనుసరించి వింత ఆచారాన్ని పాటించారు. ఈ ఆచారం ప్రకారం పెళ్లి అనంతరం వధూవరులు తమ దుస్తులను ఒకరితో మరొకరు మార్పిడి చేసుకొని ప్రత్యేక పూజలు నిర్వహించాలి.
ఈ ఆచారం వెనుక ఉన్న విశ్వాసం ఏమిటంటే.. వధూవరులు ఒకరి దుస్తులను మరొకరు ధరించడం ద్వారా వారి మధ్య సమానత్వం, అవగాహన, స్నేహబంధం పెరుగుతాయని నమ్ముతారు. దాంపత్య జీవితంలో పరస్పర గౌరవం, బాధ్యతల పంపకం, ఐక్యత పెరగాలంటే ఈ ఆచారం చాలా ఉపయోగకరమని స్థానికులు చెబుతున్నారు. అంతేకాకుండా, ఈ ఆచారం వల్ల త్వరగా సంతానం కలుగుతుందని, దాంపత్య జీవితంలో సుఖసంతోషాలు, శాంతి, సంపదలు వస్తాయని నమ్మకం ఉంది.
MLC Kavitha : నిరాహార దీక్షకు సిద్ధమవుతున్న కవిత
ఈ ఆచారం కేవలం ఓ సంప్రదాయంగా కాకుండా, గ్రామస్తుల జీవిత శైలిలో ఒక భాగంగా ఉంది. దరిమడుగు గ్రామస్థులు తమ పూర్వీకుల నుంచి వచ్చిన ఈ సంప్రదాయాన్ని గౌరవంగా కొనసాగిస్తున్నారు. ఇదే సమయంలో ఈ ఆచారం ద్వారా కుటుంబ బంధాలు మరింత బలపడతాయని, గ్రామస్థుల మధ్య సామాజిక ఐక్యతను పెంపొందిస్తుందని వారు భావిస్తున్నారు. మార్కాపురం డివిజన్లోని ఇతర గ్రామాలకు కూడా ఇది ఒక ఉదాహరణగా నిలుస్తోంది.
ఈ ప్రత్యేక ఆచారం ఇప్పుడు యువతలోనూ విశేష ఆదరణ పొందుతోంది. పెళ్లి అనేది కేవలం ఉత్సవం మాత్రమే కాకుండా, పూర్వీకుల సంప్రదాయాల జ్ఞాపకార్థమనే భావనతో యువ జంటలు కూడా ఈ ఆచారాలను పాటిస్తున్నారు. కుటుంబ గౌరవం, పూర్వీకుల వారసత్వాన్ని కొనసాగించేందుకు దరిమడుగు గ్రామస్థులు ఇలా తమ ఆచారాలను తరతరాలుగా నిలబెడుతున్నారు. ఈ విధంగా ఈ గ్రామం తన సాంస్కృతిక విలువలను పరిరక్షించుకుంటూ ఒక ప్రత్యేక గుర్తింపును సంపాదించుకుంది.