Earthquake Videos : జపాన్ భూకంపం.. టాప్ – 5 వైరల్ వీడియోస్ ఇవే..

Earthquake Videos : న్యూ ఇయర్‌లో మొదటి రోజున(సోమవారం) జపాన్‌ను భారీ భూకంపం వణికించింది. ఈ భూకంపంలో 24 మంది చనిపోగా, వందలాది మందికి గాయాలయ్యాయి. ప్రాణనష్టం ఇంకా ఎక్కువగానే ఉంటుందని, గణాంకాలు కాస్త ఆలస్యంగా వెలుగులోకి వచ్చే అవకాశం ఉందని అంటున్నారు. ఇక ఆస్తినష్టం కూడా భారీగా జరిగింది. ఎన్నో ఇళ్లు, ఫ్యాక్టరీలు దెబ్బతిన్నాయి. కొన్ని కూలిపోయాయి. సముద్ర తీర ప్రాంతాలు అంధకారంలో కొట్టుమిట్టాడుతున్నాయి. వీటికి సంబంధించిన పలు వీడియోలు సోషల్ మీడియాలో వైరల్ అవుతున్నాయి. వాటిని మనం ఇప్పుడు చూద్దాం..

సోమవారం ఒక్కరోజే జపాన్‌లోని వివిధ ప్రాంతాల్లో 155 భూకంపాలు వచ్చాయి. మంగళవారం తెల్లవారుజామున కూడా కొన్ని ప్రాంతాల్లో ఆరు భూకంపాలు చోటు చేసుకున్నాయి. భారీ సునామీ రావచ్చని అంచనా వేసినప్పటికీ అలా జరగకపోవడంతో జపాన్ సముద్ర తీర ప్రాంతాల ప్రజలు ఊపిరి పీల్చుకున్నారు.