Monalisa: ప్రయాగ్రాజ్లో మాఘ మేళా 2026 అట్టహాసంగా ప్రారంభమైంది. వేలాది మంది భక్తులు పవిత్ర స్నానాలు ఆచరించేందుకు తరలివస్తున్నారు. ఇసుక తిన్నెలపై వెలిసిన టెంట్లలోని రద్దీ మధ్య తరచుగా కొన్ని ముఖాలు సోషల్ మీడియాలో రాత్రికి రాత్రే ‘వైరల్ సెన్సేషన్’గా మారుతుంటాయి.
గతేడాది (2025) మహాకుంభమేళా సమయంలో పూల దండలు అమ్మే మోనాలిసా తన నీలి కళ్లు, అమాయకత్వంతో విపరీతంగా వైరల్ అయ్యింది. ఆ తర్వాత ఆమె అదృష్టం మారిపోయి సినిమాల్లో అవకాశాలు కూడా వచ్చాయి. సరిగ్గా ఏడాది తర్వాత ఇప్పుడు మాఘ మేళాలో ఒకరు కాదు, ఇద్దరు కాదు.. ఏకంగా ముగ్గురు అమ్మాయిలు వైరల్ అవుతున్నారు.
मोनालिसा के बाद अब लोग इनके दीवाने हैं. ये बासमती हैं जो प्रयागराज के माघ मेला में दातुन बेचने आई हैं. लोग इन्हें देखने के लिए भीड़ लगा रहे हैं.
इससे पहले मोनालिसा आईं थीं, जिन्हें इलाहाबाद ने वायरल स्टार बना दिया.#MaghMela2026 #Prayagraj pic.twitter.com/dYLRmZvZH2
— Ankur Agnihotri (@Ankuragnihotrii) January 6, 2026
మోనాలిసా తర్వాత వైరల్ అయిన బాస్మతి
మోనాలిసా వైరల్ అయిన తర్వాత ఇప్పుడు ప్రయాగ్రాజ్ మాఘ మేళాలో దంతధావనం కోసం వాడే ‘దాతున్’ (పుల్లలు) అమ్ముతున్న బాస్మతి వార్తల్లో నిలిచింది. ఆమె సాదాసీదా రూపం, అందాన్ని చూసేందుకు జనం ఎగబడుతున్నారు. నిజానికి బాస్మతి మాఘ మేళాలో స్నానం చేయడానికి వచ్చింది. కానీ ఆ తర్వాత అక్కడే మాలలు, దాతున్ అమ్మడం ప్రారంభించింది. నిరంతరం కెమెరాలు, జనం చుట్టుముడుతుండటంతో ఆమె స్పందిస్తూ.. “వీరి వల్ల నాకు డబ్బులు సంపాదించుకునే సమయమే దొరకడం లేదు” అని వాపోయింది. మోనాలిసా లాగే బాస్మతి కూడా కళ్లకు కాటుక పెట్టుకుని, చిరునవ్వుతో అందరి మనసు గెలుచుకుంటోంది. నెటిజన్లు ఆమెను ‘కొత్త మోనాలిసా’ అని పిలుస్తున్నారు.
Also Read: ‘హైదరాబాద్ ఇండస్ట్రియల్ ట్రాన్స్ఫర్’ (HILT) పాలసీకి మంత్రి ఉత్తమ్ గ్రీన్ సిగ్నల్
మాఘ మేళాలో ‘ఝాన్సీ లక్ష్మీబాయి’గా శ్వేత
బాస్మతి తర్వాత ప్రయాగ్రాజ్కు చెందిన శ్వేతా యాదవ్ సోషల్ మీడియా ప్లాట్ఫామ్లలో బాగా వైరల్ అవుతోంది. శ్వేత మాఘ మేళాలో ఝాన్సీ లక్ష్మీబాయి వేషధారణలో చేతిలో కత్తి పట్టుకుని కనిపిస్తోంది. ఆమెకు సంబంధించిన వీడియోలను జనం బాగా ఇష్టపడుతున్నారు. సంగమ నగరి ప్రయాగ్రాజ్లో శ్వేత సనాతన సంస్కృతిని ప్రోత్సహిస్తోందని, అదీ భారతదేశం కలకాలం గుర్తుంచుకునే వీరనారి రూపంలో కనిపించడం అభినందనీయమని ప్రజలు కొనియాడుతున్నారు.
प्रयागराज के माघ मेला में वहीं की रहने वाली श्वेता यादव ने झांसी की रानी के गेटअप में तलवार लिए माघ मेले में अपनी संस्कृति को बढ़ावा दे रही हैं और खूब वायरल हो रही हैं.#MaghMela2026 #Prayagraj pic.twitter.com/iJHcD6U1sz
— Ankur Agnihotri (@Ankuragnihotrii) January 6, 2026
అఫ్సానా పవార్ వైరల్
బాస్మతి, శ్వేత తర్వాత వైరల్ అవుతున్న మరో అమ్మాయి పేరు అఫ్సానా పవార్. ఆమె తనను తాను మోనాలిసాకు బంధువునని చెప్పుకుంటోంది. పార్ధి సమాజానికి చెందిన అఫ్సానా పదో తరగతి వరకు చదువుకుంది. మోనాలిసాతో తనను పోల్చడం పట్ల ఆమె సంతోషం వ్యక్తం చేసింది.