Maharashtra : ప్రేమిస్తావా..లేదా అంటూ మైనర్ బాలికపై కత్తితో యువకుడు బెదిరింపు

మహారాష్ట్రలోని సతారా జిల్లాలో మానవత్వాన్ని కలచివేసే ఘటన చోటుచేసుకుంది. పదో తరగతి చదువుతున్న మైనర్ బాలికను కత్తితో బెదిరించి ప్రేమించమని ఒత్తిడి చేసిన 18 ఏళ్ల యువకుడు ఆ ప్రాంతంలో కలకలం రేపాడు. కొంతకాలంగా బాలికను ప్రేమిస్తున్నానంటూ ఆమె వెంటపడుతూ వేధిస్తున్న యువకుడు… ఆమె తిరస్కరించడంతో ఈ మార్గాన్ని ఎంచుకున్నాడు. బాలిక పాఠశాల నుంచి తిరిగి వస్తుండగా ఆమెను మార్గంలో అడ్డగించి మెడపై కత్తి పెట్టి బెదిరించాడు.

ఈ దారుణం చూసిన స్థానికులు వెంటనే స్పందించి బాలికను ఆ యువకుడి నుంచి సురక్షితంగా విడిపించారు. యువకుడిని చాకచక్యంగా కట్టడి చేసి అతని అరాచకానికి అక్కడికక్కడే బుద్ధి చెప్పేలా దేహశుద్ధి చేశారు. తమ పిల్లల భద్రత విషయంలో ఆగ్రహం వ్యక్తం చేసిన ప్రజలు వెంటనే పోలీసులను అప్రమత్తం చేశారు. పోలీసులు సంఘటన స్థలానికి చేరుకొని యువకుడిని అదుపులోకి తీసుకున్నారు.

Jagdeep Dhankhar: ఉపరాష్ట్రపతి జగదీప్ ధనఖడ్ ఆకస్మిక రాజీనామా.. కారణాలు ఏమిటి?

బాలికను బెదిరించిన యువకుడిపై పలు విభాగాలలో కేసులు నమోదు చేశారు. మైనర్ బాలికపై ఇలా దాడికి దిగిన యువకుడి చర్యపై పోలీసులు దర్యాప్తు ప్రారంభించారు. బాలిక కుటుంబ సభ్యులు, పాఠశాల యాజమాన్యం కూడా ఈ సంఘటనపై తీవ్ర ఆవేదన వ్యక్తం చేశారు. బాలిక భవిష్యత్తుపై ఎలాంటి మచ్చ పడకూడదన్న దృష్టితో తగిన చర్యలు తీసుకుంటామని పోలీసులు తెలిపారు.

ఈ ఘటన స్థానికంగా పెద్ద సంచలనం సృష్టించింది. బాలికలు రక్షణ లేకుండా బహిరంగంగా నడవలేని పరిస్థితులు వస్తున్నాయని ప్రజలు ఆవేదన వ్యక్తం చేస్తున్నారు. యువతలో పెరుగుతున్న వక్ర మనస్తత్వానికి ఇది నిదర్శనమని పెద్దల వర్గాలు భావిస్తున్నాయి. ఇటువంటి ఘటనలు పునరావృతం కాకుండా పోలీసు వ్యవస్థ మరింతగా అలర్ట్‌గా ఉండాలని, విద్యా సంస్థల్లో బాలికల భద్రతకు ప్రత్యేక చర్యలు తీసుకోవాలని డిమాండ్ చేస్తున్నారు.