పాల పుంత.. అదేనండీ గెలాక్సీలో ఎన్నో బ్లాక్ హోల్స్ ఉన్నాయి. ఇప్పటివరకు కనీవినీ ఎరుగని ఒక బ్లాక్ హోల్ ను ఆస్ట్రేలియన్ నేషనల్ యూనివర్సిటీ పరిశోధకులు గుర్తించారు. 900 కోట్ల ఏళ్ల వయసు కలిగిన ఆ బ్లాక్ హోల్ సైజు అత్యంత వేగంగా పెరుగుతోంది.
ఎంత వేగంగా అంటే.. ప్రతి సెకనుకు మన భూమి సైజు ఉన్నంత ప్రదేశాన్ని తనలోకి కలుపుకునేంతగా!! మొత్తం పాలపుంత నుంచి విడుదలయ్యే కాంతి కంటే 7000 రెట్లు ఎక్కువ కాంతివంతంగా ఈ బ్లాక్ హోల్ ఉందని శాస్త్రవేత్తలు వెల్లడించారు. “స్కై మ్యాపర్” అనే అతిపెద్ద, శక్తివంతమైన టెలి స్కోప్ ద్వారా ఈ బ్లాక్ కదలికలను గుర్తించామన్నారు.
ఒకదాని వెంట మరొకటి జంటగా తిరిగే ” బైనరీ స్టార్స్” ను టెలి స్కోప్ తో వెతికే ప్రయత్నంలో ఉండగా అకస్మాత్తుగా ఈ బ్రైటెస్ట్ బ్లాక్ హోల్ కంట పడింది. కనీవినీ ఎరుగనంత సైజులోకి ఈ బ్లాక్ హోల్ మారడానికి ఒక ఘటన కారణమై ఉండొచ్చని అనుమానిస్తున్నారు. అదేమిటంటే.. రెండు పెద్ద పాలపుంతలు ఒకదాన్నొకటి ఢీకొనగా వెలువడిన మెటీరియల్ ఈ బ్లాక్ హోల్ లోకి ప్రవేశించి సైజును పెంచి ఉండొచ్చు.