మధురమైన స్నేహం మనుషుల్లోనే కాదు.. జంతువుల్లోనూ ఉంటుంది. అందుకు ఉదాహరణే ఈ వీడియో. ఇండియన్ ఇన్స్టిట్యూట్ ఆఫ్ టెక్నాలజీ మద్రాస్ క్యాంపస్లో ఒక కోతి జింక మీద కూర్చొని రైడింగ్ చేస్తున్న వీడియో సోషల్ మీడియాలో చక్కర్లు కొడుతోంది. ఈ వీడియో ఎంతోమంది నెటిజన్స్ ను అట్రాక్ట్ చేస్తోంది. @lonelyredcurlఅనే ట్విట్టర్ లో ఈ వీడియో చూడొచ్చు. క్యాంపస్లోని ఒక భవనం సమీపంలోని ఓ జింక ప్రత్యక్షమైంది. ఆహారం కోసం ఆ పరిసరాల్లో తిరుగాడుతోంది. అదే సమయంలో అక్కడే ఉన్న ఓ కోతి దానిపైకి దర్జాగా ఎక్కి కూర్చొంది.
జింకను తన సొంత వాహనంలా భావించి గుర్రాన్ని స్వారీ చేసినట్టుగా చేసింది. జింక కూడా ఏంపట్టనట్టుగా క్యాంపస్ లో అటు, ఇటు తిరిగింది. ప్రస్తుతం ఈ వీడియో సోషల్ మీడియాలో చక్కర్లు కొడుతోంది. ఆ వీడియో చూసిన నెటిజన్స్ ’’ఐఐటి మద్రాస్లో కోతులు” అని కామెంట్స్ చేస్తున్నారు. రెండు విభిన్న జాతుల మధ్య విచిత్రమైన స్నేహబంధం అంటూ నెటిజన్స్ రియాక్ట్ అవుతున్నారు. “ఉబెర్ ఫర్ యానిమల్స్” అని మరికొందరు రియాక్ట్ అవుతున్నారు. కేవలం 14 గంటల్లోనే 54,000 వ్యూస్ కొల్లగొట్టిన ఈ వీడియోకు మంచి రెస్పాన్స్ వస్తోంది.
Meanwhile, monkeys in IIT Madras. pic.twitter.com/v1MTQ4J8AJ
— Azhar (@lonelyredcurl) October 10, 2022