Baby Elephant : త‌ల్లి ఏనుగు త‌న పిల్ల‌ని వ‌ర్షంలో త‌డ‌వ‌కుండా ఎలా కాపాడుతుందో చూడండి..!

చిన్న పిల్ల‌ల‌కు ర‌క్ష‌ణ‌, ధైర్యం అంతా త‌ల్లే.. త‌ల్లిలాగా బిడ్డ‌ను ఎవ‌రూ ర‌క్షించ‌లేరు. త‌న క‌న్న‌పిల్ల‌ల కోసం ప్రాణాల‌ర్పించేందుకు కూడా తల్లి సిద్ద‌మ‌వుతుంది. అది మ‌నుషుల్లోనే కాదు జంతువుల్లో కూడా ఉంటుంద‌ని ఈ వీడియో చూస్తే అర్థం అవుతుంది. ఒక తల్లి ఏనుగు వర్షం నుండి తన పిల్ల ఏనుగుని రక్షించే వైరల్ వీడియో నెట్టింట్లో హ‌ల్‌చ‌ల్ చేస్తుంది. తమిళనాడులోని నీలగిరి జిల్లాలోని గూడలూర్ మునిసిపాలిటీలో ఈ వీడియో చిత్రిక‌రించారు. ఈ త‌ల్లి ఏనుగు కవచంగా పనిచేసి, వర్షంలో తడవకుండా త‌న పిల్లను కాపాడుతున్నట్లు క‌నిపిస్తుంది. ఐఏఎస్ అధికారిణి సుప్రియా సాహు ఈ వీడియోని షేర్ చేస్తూ, తల్లి ఏనుగు తన పిల్ల‌ను వ‌ర్షం నుంచి రంక్షించేందుకు త‌న పొట్ట‌నే పెద్ద గొడుగా ఉంచి కాపాడుకుంద‌ని ఆమె రాశారు. షేర్ చేసిన ఈ వీడియో వేల సంఖ్య‌లో వీక్షించారు.