KTR : తెలంగాణ రాజకీయాల్లో మరో కీలక మలుపు తిరిగింది. బీఆర్ఎస్ అధినేత, రాష్ట్ర తొలి ముఖ్యమంత్రి కల్వకుంట్ల చంద్రశేఖర్ రావు (కేసీఆర్) ఈరోజు మరికొద్దిసేపట్లో కాళేశ్వరం ప్రాజెక్టుపై ఏర్పాటు చేసిన విచారణ కమిషన్ ముందు హాజరుకానున్నారు. ఈ నేపథ్యంలో పార్టీ వర్కింగ్ ప్రెసిడెంట్ కే తారకరామారావు (కేటీఆర్) మాట్లాడుతూ పలువురు కాంగ్రెస్ నేతలపై తీవ్ర స్థాయిలో విరుచుకుపడ్డారు. కేసీఆర్ చరిత్రగా నిలిచిపోతారని, ఆయన జీవితం ప్రజాస్వామ్య స్ఫూర్తికి ప్రతీకగా నిలుస్తుందన్నారు. గత ప్రభుత్వాలు 60 ఏళ్లలో చేయలేని ఎన్నో అభివృద్ధి కార్యక్రమాలు కేసీఆర్ కేవలం 10-15 ఏళ్లలోనే విజయవంతంగా పూర్తి చేశారు. ఉద్యమ పోరాటంతో తెలంగాణ రాష్ట్ర ఆవిర్భావానికి దోహదపడిన నేతగా కేసీఆర్ పేరు చిరస్థాయిగా చరిత్రలో మిగిలిపోతుంది అని కేటీఆర్ అన్నారు.
His story is History
He did a miracle that wasn’t possible for 60years!
He ran a democratic campaign with nothing but pure passion for Telangana
He agitated for a separate state, a dream of millions of people
He quenched the thirst of Telangana with Kaleshwaram
One… pic.twitter.com/2hHbYDWJcZ
— KTR (@KTRBRS) June 11, 2025
Read Also: Accident : కేసీఆర్ ఫాం హౌస్లో ప్రమాదం..హాస్పటల్ లో ఎమ్మెల్యే
తెలంగాణ కోసం ఆయన చేసిన త్యాగాలు పడ్డ కష్టాలను గుర్తుచేస్తూ కేసీఆర్ నాయకత్వం లేకుండా ప్రత్యేక తెలంగాణ సాధ్యపడేది కాదు. ఆయన దిశానిర్దేశంలో లక్షలాది మంది యువత ఉద్యమంలో భాగమయ్యారు. తెలంగాణ రాష్ట్రం కోసం ఆయన అంతులేని పోరాటం చేశారు. ఆయన ప్రేరణతోనే ప్రజలు ఏకమై ఈ రాష్ట్రాన్ని సాధించగలిగారు అని చెప్పారు. కేటీఆర్ స్పష్టంగా పేర్కొన్న విషయం ఏమిటంటే కాంగ్రెస్ నాయకులు కేసీఆర్ స్థాయికి చేరుకోవడం అసాధ్యం. కేసీఆర్ జీవన దృక్కోణాన్ని అర్థం చేసుకోవడానికి కాంగ్రెస్ నాయకులకు జీవితకాలం సరిపోదు. అల్ప మనస్తత్వంతో ప్రవర్తించే వారి పక్షాన 100 జన్మలు వచ్చినా కూడా ఆయన సాధించిన విజయాల్లో పదవంతైనా సాధించలేరు, అని ఘాటుగా విమర్శించారు.
కాళేశ్వరం ప్రాజెక్టుపై కేంద్ర బీజేపీ, రాష్ట్ర కాంగ్రెస్ పార్టీలు చేస్తున్న ఆరోపణలను ఖండిస్తూ ఈ ప్రాజెక్టు ద్వారా రాష్ట్రం భూదాహానికి శాశ్వత పరిష్కారం చూపించబడింది. ఇది కేవలం వర్షాధారిత వ్యవస్థపై ఆధారపడే రైతులకు వరంగా మారింది. ప్రతి చుక్క నీళ్లు ఖరీదైనది అనే ఆలోచనతో కేసీఆర్ పని చేశారు అని చెప్పారు. కేటీఆర్ వ్యాఖ్యలతో బీఆర్ఎస్ శ్రేణుల్లో జోష్ పెరిగింది. కేసీఆర్ విచారణకు హాజరయ్యే సమయంలో పార్టీ నాయకత్వం ఆయన పట్ల సంపూర్ణ మద్దతు తెలిపేందుకు సిద్ధమవుతోంది. విచారణను రాజకీయంగా వాడుకోవాలని చూస్తున్న కాంగ్రెస్, బీజేపీ ప్రయత్నాలను ప్రజలు గుర్తిస్తారని కేటీఆర్ నమ్మకంగా తెలిపారు.
Read Also: Axiom-4 Mission : మరోసారి మానవ సహిత అంతరిక్ష యాత్రకు బ్రేక్