“మా తాత ఉత్తరం ఎక్కడో పోయింది” అని అంటూ .. చేతిలో హ్యాండ్ కర్చీప్ పట్టుకొని.. వలయాకారంలో కూర్చున్న స్నేహితుల చుట్టూ పరుగెత్తుతూ సరదాగా ఆడిన “దస్తీ బిస్తీ” ఆట గుర్తుందా!! ఈ ఆటను హిమాచల్ ప్రదేశ్ లోని చైనా సరిహద్దుల్లో సేవలు అందించే ఇండో టిబెటన్ బార్డర్ పోలీసు (ఐటీబీపీ) సిబ్బంది ఆడారు.
చుట్టూ మంచు, ఎముకలు కొరికే చలి నడుమ విధి నిర్వహణ చేసే ఈ శూరులు ఒక్కసారిగా బాల్యం జ్ఞాపకాల్లోకి వెళ్లారు. అందరూ కలిసి కాసేపు “దస్తీ బిస్తీ” ఆట ఆడారు. దీనికి సంబంధించిన ఒక వీడియోను ఐటీబీపీ అధికారిక ట్విట్టర్ ఖాతా షేర్ చేసింది. ఈ వీడియోను చూసిన నెటిజన్లు కూడా బాల్యం రోజుల జ్ఞాపకాలను నెమరు వేసుకున్నారు. “మేం కూడా చిన్నప్పుడు ఈ గేమ్ ను తెగ ఆడేవాళ్ళం” అంటూ కామెంట్స్ పెట్టారు. ఈ వీడియోకు ట్విట్టర్ లో వేలాది వ్యూస్ వచ్చాయి.
Fresh snowfall and a childhood game with friends…
Indo-Tibetan Border Police (ITBP) personnel plays 'Drop the handkerchief' in Himachal Pradesh after fresh snowfall in the area. pic.twitter.com/fy0jGi8Dij
— ITBP (@ITBP_official) May 24, 2022