February 1 – IMPS : ఫిబ్రవరి 1 విడుదల.. ఐఎంపీఎస్ ట్రాన్సాక్షన్ ఇకపై ఇంకా ఈజీ!

February 1 Imps

February 1 – IMPS : ఫిబ్రవరి 1 నుంచి మొబైల్ బ్యాంకింగ్ సేవలు మరింత సరళతరం కానున్నాయి.  ప్రత్యేకించి ఇమ్మీడియేట్ పేమెంట్ సర్వీస్ (ఐఎంపీఎస్) కొత్తపుంతలు తొక్కనుంది. మొబైల్‌ బ్యాంకింగ్‌ యాప్‌లో బెనిఫిషియరీ పేరు, అకౌంట్ నంబరు, ఐఎఫ్‌ఎస్‌సీ (IFSC) కోడ్‌ లేకుండానే బ్యాంకు ఖాతాల  మధ్య ఐఎంపీఎస్ ద్వారా రూ.5 లక్షల దాకా నగదును బదిలీ చేయొచ్చు. మనం నగదును ఎవరికైతే పంపుతున్నామో వారి బ్యాంకింగ్ మొబైల్‌ నంబర్‌, బ్యాంక్‌ పేరు ఉంటే చాలు. వాస్తవానికి దీనిపై గతేడాది అక్టోబర్‌ 31నే నేషనల్‌ పేమెంట్స్‌ కార్పొరేషన్‌ ఆఫ్‌ ఇండియా (ఎన్‌పీసీఐ) ఓ సర్క్యులర్‌ను రిలీజ్ చేసింది. ఈ మార్గదర్శకాలు ఫిబ్రవరి 1 నుంచి అమల్లోకి వస్తాయి. ఇంతకుముందు వరకు ఐఎంపీఎస్ ట్రాన్సాక్షన్(February 1 – IMPS) కోసం మొబైల్‌ బ్యాంకింగ్‌ యాప్‌లో బెనిఫిషియరీ పేరు, అకౌంట్ నంబరు, ఐఎఫ్‌ఎస్‌సీ కోడ్‌  వంటి వివరాలన్నీ ఎంటర్ చేయాల్సి  వచ్చేది.