‘Kaali’ Controversy: ఫిల్మ్ మేకర్ లీనాకు ప్రాణహాని!

Kaali

ఫిల్మ్ మేకర్ లీనా మణిమేకలై ‘కాళి’ డాక్యుమెంటరీ తెరకెక్కిస్తున్న విషయం తెలిసిందే. అయితే ఈ డాక్యుమెంటరీ మొదట్నుంచీ వివాదాలకు కేరాఫ్ అడ్రస్ గా మారింది. ఓ పోస్టర్ లో కాళీకదేవి సిగరేట్ తాగుతున్నట్టుగా ఉండే సీన్ తీవ్ర వివాదానికి దారితీసింది. ఈ విషయమై తీవ్ర అభ్యంతరాలు వ్యక్తమయ్యాయి. హిందు సంఘాలు భగ్గుమన్నాయి. తాజాగా తనకు రాష్ట్రీయ స్వయం సేవక్ సంఘ్ (ఆర్‌ఎస్‌ఎస్) నుంచి తనకు ప్రాణహాని ఉందని లీనా మణిమేకలై అన్నారు.

ఈ విషయాన్ని ట్విట్టర్ ద్వారా వెల్లడించారు. తనకు ప్రాణహనీ ఉందని టొరంటో పోలీసులను కూడా పోస్ట్‌లో ట్యాగ్ చేసింది. లీనా భారతదేశంలో స్వేచ్ఛగా తిరగడానికి అనుమతించబడదని కూడా ఆర్ఎస్ఎస్ పేర్కొంది. ఈ ఏడాది జూలైలో, లీనా మణిమేకలై తన చిత్రం ‘కాళి’ పోస్టర్‌లో ఒక మహిళను కాళీ దేవతగా చిత్రీకరిస్తూ, LGBTQ కమ్యూనిటీకి ప్రాతినిధ్యం వహిస్తున్న జెండాను పట్టుకుని, సోషల్ మీడియాలో వైరల్ కావడంతో ఆమెపై ఫైర్ అయ్యారు. ఈ పోస్టర్‌ రెచ్చగొట్టేలా చేసింది.