RRR Fans In New York: నాటు నాటు పాట‌కు ర‌చ్చ.. ర‌చ్చ‌..!

Rrr Imresizer

RRR మూవీ తెలుగు సినిమా స్థాయిని మ‌రో మెట్టు ఎక్కించింద‌న‌టంలో ఎటువంటి సందేహం లేదు. అయితే ఆర్ఆర్ఆర్ మూవీ విడుద‌లై ఆరు నెల‌లు దాటినా ఆ మూవీ క్రేజ్ మాత్రం తగ్గలేదు. జూ.ఎన్టీఆర్‌, రామ్ చ‌ర‌ణ్ హీరోలుగా ద‌ర్శ‌కుడు రాజ‌మౌళి తెర‌కెక్కించిన ఈ చిత్రం బ్లాక్‌బాస్ట‌ర్ హిట్‌గా నిలిచింది. విడుద‌లైన అన్ని భాష‌ల్లో ఈ సినిమాకు ప్రేక్ష‌కులు బ్ర‌హ్మ‌ర‌థం ప‌ట్టారు.

అయితే ఈ మూవీలో నాటు నాటు పాట‌ను ఫ్యాన్స్ విప‌రీతంగా ఎంజాయ్ చేసిన విష‌యం తెలిసిందే. ఈ పాట‌లో చ‌ర‌ణ్‌, ఎన్టీఆర్ వేసిన‌ స్టెప్పులకు ప్రేక్ష‌కులు ఫుల్ ఎంజాయ్ చేశారు. అయితే ఈ పాట‌ను మ‌నం ఎంత ఆస్వాదించామో.. విదేశీయులు కూడా అంతే ఎంజాయ్ చేస్తున్నారు. నాటు నాటు పాట‌కు విదేశీయులు డ్యాన్స్ వేసిన వీడియో ఒక్క‌టి ట్విట్ట‌ర్‌లో వైర‌ల్‌గా మారింది.

తాజాగా బియాండ్‌ ఫెస్ట్‌లో భాగంగా అమెరికాలోని లాస్‌ ఏంజిల్స్‌లోని ఓ థియేటర్‌లో ఆర్‌ఆర్‌ఆర్ మూవీ షో వేశారు. ద‌ర్శ‌కుడు రాజమౌళి కూడా స్వయంగా హాజరై అభిమానులతో కలిసి ఈ సినిమాను వీక్షించారు. ఈ షోకు సినీ అభిమానుల నుంచి విశేష స్పందన లభించింది. నాటు నాటు పాట కనిపించగానే పలువురు అభిమానులు డ్యాన్స్‌ చేశారు. ఇందుకు సంబంధించిన వీడియోలు సోషల్‌మీడియాలో హాల్‌చ‌ల్ చేస్తున్నాయి. మార్చి 25న ప్రపంచవ్యాప్తంగా ప్రేక్షకుల ముందుకు వచ్చిన ఈ మూవీ సూపర్ హిట్ టాక్‌తో మొత్తంగా రూ.1200 కోట్ల పైచిలుకు కలెక్షన్లు రాబట్టింది. అక్టోబ‌ర్ 21న‌ ఈ మూవీ జ‌పాన్‌లో కూడా విడుద‌ల కానున్న విష‌యం తెలిసిందే.