Viral Video : చెన్నై వీధుల్లో బాలిక ఫై ఆవు దాడి..చూస్తే హృదయం తరుక్కుపోతోంది

ఇటీవల కాలంలో మనుషులపై పెద్ద ఎత్తున పశువులు దాడి (Cow attacks) చేస్తున్నాయి. కొన్ని చోట్ల అయితే పగ పడుతున్నాయి కూడా. ఈ పశువుల దాడికి భయపడి చాల మంది రోడ్ల మీదకు రావాలంటే భయపడుతున్నారు. తాజాగా చెన్నై వీధుల్లో ఓ స్కూల్ విద్యార్థిని ఫై ఓ ఆవు చేసిన దాడి చూస్తే హృదయం తరుక్కుపోతోంది. వామ్మో ఇలాంటి ఆవులు కూడా ఉంటాయా..అని అనుకోకుండా ఉండలేరు. అంతలా ఆ ఆవు విరుచుకుపడింది. కొమ్ములతో పైకి లేపి విసిరికొట్టింది.. కాళ్లతో తొక్కుతూ బీభత్సం సృష్టించింది. బాలికను రక్షించేందుకు ప్రయత్నించిన పెద్దవారిపైనా దాడికి ప్రయత్నించింది. సిటీలోని ఎంఎండీఏ కాలనీలో జరిగిన ఈ దారుణంలో తీవ్రంగా గాయపడిన బాలిక ప్రస్తుతం ఆస్పత్రిలో చికిత్స పొందుతోంది.

చెన్నైలోని (Chennai ) ఎంఎండీఏ కాలనీలో (MMDA colony) తల్లితో కలిసి ఆయేషా అనే చిన్నారి స్కూల్‌కు నడుచుకుంటూ వెళ్తోంది. ఈ ఇద్దరి కంటే ముందు రెండు ఆవులు వెళ్తున్నాయి. ఏమైందో తెలియదు.. సడెన్ గా అందులో ఓ ఆవు వెనక్కి తిరిగి ఆ చిన్నారిపై దాడి చేసింది. అది కూడా మామూలు దాడి కాదు. ఏదో ఆ పాపపై పగబట్టినట్టుగా దాడి చేసింది. అభం శుభం తెలియని ఆ చిన్నారిని కొమ్ములతో పైకి లేపి విసిరికొట్టింది.. కాళ్లతో తొక్కుతూ బీభత్సం సృష్టించింది. ఆ తల్లి ఒంటరిగా నిస్సహాయురాలై చూస్తుండిపోయింది. అక్కడున్న స్థానికులు రాళ్లతో ఆవుల్ని విదిలించేందుకు ప్రయత్నించినా ప్రయోజనం లేకపోయింది. మద్యలో ఓ వ్యక్తి ఆ చిన్నారిని కాళ్లతో ఇవతలకు లాగినా..మళ్లీ వచ్చి దాడి చేసింది. పాపం ఆ చిన్నారి పగబట్టినట్టుగా జరిపిన ఆవు దాడిలో తీవ్రంగా గాయపడింది. తీవ్రంగా నలిగిపోయింది. ఇంకాస్సేపు ఈ దాడి జరిగుంటే ఆ చిన్నారి ప్రాణాలు కూడా పోయేవి. ఇంతలో ఓ వ్యక్తి కర్రతో దాడి చేయడంతో అప్పటికి గానీ ఆవు పారిపోలేదు. దీనికి సంబదించిన (Incident ) వీడియో సోషల్ మీడియా లో వైరల్ గా మారింది.

Read Also : Gold Man Visits : తిరుమలలో ప్రత్యేక్షమైన గోల్డ్ మాన్..చూసేందుకు పోటీపడ్డ భక్తులు