Tragedy : ఆదిలాబాద్ జిల్లాలో వర్షాలు బీభత్సంగా కురుస్తున్న వేళ, జిల్లా కేంద్రంలో విషాదకర ఘటన చోటుచేసుకుంది. పట్టణ శివారులోని నిషాన్‌ఘాట్ సమీపంలో ఉన్న వాగులో చేపలు పట్టేందుకు వెళ్లిన ఓ యువకుడు నీటి ప్రవాహంలో గల్లంతయ్యాడు. డాల్డా కాలనికి చెందిన శేఖర్ అనే యువకుడు బుధవారం సాయంత్రం చేపలు పట్టేందుకు నిషాన్‌ఘాట్ సమీపంలోని వాగు వద్దకు వెళ్లాడు. కానీ ఆ సమయంలో జిల్లాలో విస్తారంగా కురుస్తున్న వర్షాల ప్రభావంతో వాగు ఉద్ధృతంగా ప్రవహిస్తోంది. చేపల వేటలో నిమగ్నమైన శేఖర్ ప్రమాదవశాత్తూ అదుపు తప్పి వరద ప్రవాహంలో చిక్కుకున్నాడు.
Devadasu : ‘దేవదాసు’ విడుదలై నేటికి 72 ఏళ్లు.. అన్నపూర్ణ స్టూడియోస్ స్పెషల్ వీడియో
సమీపంలోని స్థానికులు ఈ దృశ్యాన్ని గమనించి అతన్ని రక్షించేందుకు యత్నించారు. ధైర్యంగా ఓ వ్యక్తి వాగులోకి దిగినా, తీవ్ర ప్రవాహం కారణంగా శేఖర్‌ను రక్షించలేకపోయారు. వరద ఉధృతి ఎక్కువగా ఉండటంతో, అతను కొట్టుకుపోయాడు. ఈ ఘటనతో డాల్డా కాలనీలో తీవ్ర విషాదం నెలకొంది. సమాచారం అందుకున్న రెవెన్యూ, పోలీసు అధికారులు గల్లంతైన శేఖర్ కోసం గాలింపు చర్యలు ప్రారంభించే అవకాశం ఉంది. వర్షాల నేపథ్యంలో నదులు, వాగులు, చెరువులకు వెళ్ళకూడదని ప్రజలకు అధికారులు హెచ్చరికలు జారీ చేశారు.
Kannappa Talk : ‘కన్నప్ప’ ప్రీమియర్ షో టాక్ – సినిమాకు పెద్ద మైనస్ అదే !!