మనోళ్లు మహా ముదుర్లు.. రూ. 569 కోట్ల ‘వాటర్’ బిల్లులకు ’నో‘ పేమెంట్!

హైదరాబాద్ మెట్రోపాలిటన్ వాటర్ సప్లై అండ్ సీవరేజ్ బోర్డ్ నిరంతరాయంగా తాగునీటి సరఫరా చేస్తోంది. ఎన్ని ఆటంకాలు ఎదురైనా భాగ్యనగర ప్రజలకు కావాల్సిన తాగునీటిని అందిస్తోంది. వరదల సమయంలోనూ ప్రధాన పైపులైన్స్ దెబ్బతిన్నా.. తాగునీటిని మాత్రం ఆపలేదు. సివరేజ్ బోర్డు కారణంగా హైదరాబాద్ లో లక్షలాది మంది ప్రజలు దాహర్తీని తీర్చుకుంటున్నారు. ప్రజల కోసం నిరంతరంగా నీళ్లను సప్లై చేస్తున్నా.. ప్రజలు మాత్రం వాటర్ బిల్లలను మాత్రం చెల్లించడం లేదు. హైదరాబాద్ లో దాదాపు 49,300 మంది వినియోగదారులు బిల్లులు చెల్లించకుండా మొండికేస్తున్నారు. ఫలితంగా వాటర్ బోర్డుకు మొత్తం రూ.569 కోట్లు బకాయి పడ్డారు.

నిజానికి వాటర్ బోర్డు బోర్డు 49,300 వినియోగదారుల ఖాతా సంఖ్యలను (CAN) ఎన్నడూ చెల్లించని (CAN) లు” గా గుర్తించింది. ఓల్డ్ సిటీని కవర్ చేసే ఆపరేషన్ అండ్ మెయింటెనెన్స్ డివిజన్ 1, 5,950 “ఎప్పుడూ చెల్లించని (CAN) లు, రూ .14.35 కోట్ల విలువైన పెండింగ్ బిల్లుల్లో టాప్ ప్లేస్ లో నిలిచింది. మొత్తం 7 సీఏఎన్‌లను కలిగి ఉన్న 21 డివిజిన్స్ వినియోగదారులు వాటర్ బోర్డుకు రూ.503 కోట్లు బకాయిపడ్డారు. వినియోగదారులు ఇంత పెద్ద మొత్తంలో చెల్లించని బిల్లులను దృష్టిలో ఉంచుకుని, హెచ్‌ఎండబ్ల్యుఎస్‌ఎస్‌బి అధికారులు CAN కనెక్షన్‌లపై దృష్టి సారిస్తున్నారు. నీటి కనెక్షన్ల డిస్‌కనెక్షన్‌తో సహా కఠినమైన చర్యలకు సిద్ధమవుతున్నారు.

ఇటీవల జరిగిన సమావేశంలో మేనేజింగ్ డైరెక్టర్ ఎం. దాన కిషోర్ బిల్లులు చెల్లించని వినియోగదారుల నల్లాల కనెక్షన్‌లను కత్తిరించమని అధికారులను కోరారు. 40 మిల్లీమీటర్లు లేదా అంతకంటే ఎక్కువ పైపుల కనెక్షన్ ఉన్న డిఫాల్టర్ల నుంచి 100 శాతం బిల్లులు, మిగిలిన వాణిజ్య వినియోగదారుల నుంచి 50 శాతం బకాయిలను అక్టోబర్ చివరి నాటికి వసూలు చేయాలని అధికారులను ఆదేశించారు. ఓల్డ్ సిటీలోని దారుల్‌షిఫా, తద్బాన్, బహదూర్‌పురా, గోషామహల్, నవాబ్షా కుంట, చందూలాల్ బరదారి, ఫలక్నుమా, పురానాపుల్, పురాణి హవేలి, హుస్సేనీ ఆలం, దేవి బాగ్, ఇంజిన్ బౌలి, ఎసామియా బజార్, దబీర్ పుర ముర్, మిర్ , పెట్ల బుర్జ్, నూర్ ఖాన్ బజార్, ఖిల్వత్ మరియు రామనాస్పురా ఏరియాలు రూ .14.35 కోట్ల బకాయిలతో డిఫాల్టర్ జాబితాలో అగ్రస్థానంలో ఉంది. అంతేకాకుండా.. గోకుల్ నగర్, ఫీల్‌ఖానా, బేగమ్ బజార్, అబిడ్స్, అఘాపురా, బజార్‌ఘాట్, గుల్జార్ హౌజ్, హిల్ ఫోర్ట్, గౌలిగూడ, రామ్‌కోట్, ట్రూప్ బజార్, ఫతే మైదాన్, ఖైరతాబాద్, సుల్తాన్ బజార్, ఖైరతాబాద్, జంబాగ్, బడి చౌడి బొగ్గులకుంట వినియోగదారులు సుమారు రూ. 8.26 కోట్ల బిల్లులు చెల్లించాల్సి ఉంది.