సీజనల్ ఇన్ఫెక్షన్లు, వైరల్ ఫీవర్ కారణంగా హైదరాబాద్లోని పలు ఆసుపత్రుల్లో ఔట్ పేషెంట్ల సంఖ్య పెరుగుతోంది. రోగులు జ్వరం, గొంతు నొప్పి, దగ్గు, జలుబు, శరీర నొప్పులు మొదలైనవాటిని నివేదిస్తున్నారు. చాలా మంది రోగులు ముఖ్యంగా పిల్లలు, వృద్ధులు కోలుకోవడానికి చాలా సమయం తీసుకుంటారు. హైదరాబాద్లో వైరల్ ఫీవర్ విజృంభిస్తున్న నేపథ్యంలో వైద్యులను సంప్రదించకుండానే చాలామంది యాంటీబయాటిక్స్ వాడుతున్నారు. యాంటీబయాటిక్స్ వైరస్లకు వ్యతిరేకంగా పనిచేయవు కాబట్టి ఇటువంటి విధానం పరిష్కారం కాదని వైద్య నిపుణలు అంటున్నారు. అంతే కాకుండా యాంటీబయాటిక్స్ ఎక్కువగా వాడటం వల్ల బ్యాక్టీరియా నిరోధక సమస్య వస్తుందని డాక్టర్లు తెలిపారు. అక్టోబరు నుంచి ఫిబ్రవరి మధ్య కాలంలో హైదరాబాద్లో వింటర్ సీజన్లో వైరల్ ఫీవర్ సాధారణం అయినప్పటికీ, ఈ ఏడాది హైదరాబాద్లోని ఆసుపత్రుల్లో కేసుల సంఖ్య పెరుగుతోంది. చాలా మంది ప్రజలు మాస్క్లు ధరించడం మానేశారు, తద్వారా వైరల్ ఫీవర్, ఇతర సీజనల్ ఇన్ఫెక్షన్లకు సులభంగా గురవుతారు. వైరల్ ఫీవర్ రాకుండా నిరోధించడానికి కొన్ని ఉత్తమ పద్ధతులు ఉన్నాయి. వారు తరచుగా చేతులు కడుక్కోవడం, మాస్క్ ధరించడం లాంటివి చేస్తే వైరల్ ఫీవర్ నుంచి కొంత ఉపశమనం కలుగుతుందని డాక్టర్లు అంటున్నారు.