Telangana Bonds : తెలంగాణ బాండ్ల వేలానికి కేంద్రం నిరాకర‌ణ‌

జూన్ 14న బాండ్ల వేలం ద్వారా మరో రూ.4,000 కోట్లు సమీకరించాలన్న ప్రతిపాదనను కేంద్రం తిరస్కరించింది. భారతీయ రిజర్వ్ బ్యాంక్ (RBI) ఆంధ్రప్రదేశ్ , హర్యానా (ఒక్కొక్కటి రూ. 2,000 కోట్లు) మరియు తమిళనాడు (రూ. 1,000 కోట్లు) ల‌కు బాండ్ల వేలాన్ని ప్రకటించింది. జూన్ 3న, ఈ ఆర్థిక సంవత్సరంలో మొదటిసారిగా, ఆంధ్రప్రదేశ్ (రూ. 2,000 కోట్లు), మహారాష్ట్ర (రూ. 4,000 కోట్లు), తమిళనాడు (రూ. 2,000)తో పాటు రూ. 4,000 కోట్ల విలువైన బాండ్లను వేలం వేయడానికి తెలంగాణ ప్రభుత్వానికి కేంద్రం అనుమతినిచ్చింది. ఈసారి జూన్ 14న జ‌రిగే వేలం రౌండ్‌లో రాష్ట్రం పేరు లేదు. ఏప్రిల్-జూన్ వరకు బాండ్ల ద్వారా రూ.15,000 కోట్లు సమీకరించేందుకు తెలంగాణ అనుమతి కోరింది. ఏప్రిల్‌లో రూ.3,000 కోట్లు, మేలో రూ.8,000 కోట్లు, జూన్‌లో రూ.4,000 కోట్లు సేక‌రించాల‌ని ప్ర‌య‌త్నం చేసింది.

ఏప్రిల్, మే నెలల్లో రూ.11,000 కోట్లు రుణం తీసుకోవడానికి అనుమతి నిరాకరించినందున, జూన్‌లో అదనంగా రూ.4,000 కోట్లు సమీకరించేందుకు అనుమతించాలని రాష్ట్ర ప్రభుత్వం కేంద్రాన్ని అభ్యర్థించింది. కానీ అలా జరగలేదు.
జూన్ 21, జూన్ 28 తేదీల్లో జరగనున్న మిగిలిన రెండు రౌండ్ల వేలంలో కనీసం రూ.4,000 కోట్లను సమీకరించేందుకు అనుమతి పొందాలని టీఎస్ ఆర్థిక శాఖ భావిస్తోంది. జూన్ 1న ఖరీఫ్ సీజన్ ప్రారంభమైనప్పటి నుండి రైతు బంధు పథకం కోసం ఆర్థిక శాఖకు తక్షణం రూ. 7,500 కోట్లు అవసరం. 60 లక్షల మంది రైతులు తమ పెట్టుబడి ఖర్చులను భరించేందుకు ప్రయోజనం కోసం ఎదురుచూస్తున్నారు . రాజకీయ పార్టీలు ప్రభుత్వంపై ఒత్తిడి చేయడం ప్రారంభించ‌డంతో బాండ్ల వేలం ద్వారా పెద్ద మొత్తాల‌ను స‌మీక‌రించాల‌ని తెలంగాణ స‌ర్కార్ చేస్తోన్న ప్ర‌య‌త్నానికి కేంద్రం మరోసారి జ‌ల‌క్ ఇచ్చింది.