Stray Dogs: ఆగని వీధి కుక్కల దాడులు.. కామారెడ్డిలో మూడేళ్ల చిన్నారిపై దాడి

Dogs

Stray Dogs: వీధికుక్కల (Stray Dogs) దాడి రోజురోజుకూ పెరుగుతోంది. తెలంగాణలోని కామారెడ్డిలో మూడేళ్ల చిన్నారిని వీధికుక్కలు తీవ్రంగా గాయపరిచాయి. తల, కడుపుపై ​​దాడి చేయడంతో చిన్నారికి తీవ్రగాయాలయ్యాయి. ఈ సంఘటన సోమవారం కామారెడ్డి జిల్లా గాంధారి మండలం ముధోలి గ్రామంలో జరిగింది. ఫంక్షన్ హాల్ బయట ఆడుకుంటున్న చిన్నారిపై కుక్కలు ఒక్కసారిగా దాడి చేశాయి.

కొనసాగుతున్న చికిత్స

కామారెడ్డి జిల్లా గాంధారి మండలంలో ముదెల్లిలో మూడేళ్ల బాలుడిపై వీధి కుక్కలు దాడి చేశాయి. స్థానికంగా ఓ ఫంక్షన్‌హాల్ బయట ఆడుకుంటున్న బాలుడిపై వీది కుక్కలు దాడి చేశాయి. కుక్కలు ఒక్కసారిగా మీద పడడంతో బాలుడి పొట్టభాగంలో తీవ్ర గాయాలయ్యాయి. బాలుడి తలపైన కూడా గాయాలు అయ్యాయి. వీధి కుక్కలు అటాక్‌ చేయంతో బాలుడి అరుపులు విన్న స్థానికులు అలర్ట్‌ అయ్యారు. వెంటనే కుక్కలను అక్కడి నుంచి తరమికొట్టారు. అనంతరం ప్రభుత్వ ఆసుపత్రికి తరలించారు. ప్రస్తుతం బాలుడికి చికిత్స అందిస్తున్నారు. స్థానికులు సమయానికి స్పందించడంతో బాలుడికి ప్రాణాప్రాయం తప్పింది.

Also Read: Juhu Beach : ముంబై జుహు బీచ్‌లో న‌లుగురు గ‌ల్లంతు.. ఒక‌రిని ర‌క్షించిన రెస్క్యూ టీమ్‌

వీధికుక్కల దాడిని అరికట్టడం ఎలా?

భవిష్యత్తులో కుక్కల దాడులు జరగకుండా చూసేందుకు పూర్తి స్థాయిలో కృషి చేస్తానని తెలంగాణ మంత్రి కెటిఆర్ ఫిబ్రవరిలో చెప్పడం జరిగింది. హైదరాబాద్‌లో కుక్కలు కరిచి ఐదేళ్ల బాలుడు మృతి చెందడంపై అప్పుడు ఆయన స్పందిస్తూ ఈ వ్యాఖ్య చేశారు.

గాయపడిన చిన్నారి కుటుంబానికి BRS నాయకుడు ప్రగాఢ సానుభూతిని వ్యక్తం చేస్తూ.. మున్సిపాలిటీలలో వీధి కుక్కల బెడదను పరిష్కరించడానికి మేము ప్రయత్నిస్తున్నాము. మేము జంతు సంరక్షణ కేంద్రాలు, జంతు జనన నియంత్రణ కేంద్రాలను సృష్టించాము. ఇలాంటి ఘటనలు పునరావృతం కాకుండా చూసేందుకు శాయశక్తులా ప్రయత్నిస్తున్నాం అని తెలిపారు.