Sankranti Festival : సంక్రాంతి పండుగ వస్తోంది. ఈనేపథ్యంలో చాలామంది హైదరాబాద్ నగరవాసులు సొంతూళ్లకు పయనమవుతున్నారు. హైవేలు ఇప్పటికే రద్దీగా మారగా.. హైదరాబాద్ రోడ్లపైనా వెహికల్స్ ప్రవాహం తగ్గిపోయింది. పండుగను(Sankranti Festival) జరుపుకునేందుకు ఊళ్లకు వెళ్తున్నామనే సంతోషం ఓ వైపు ఉండగా.. ఊళ్లకు వెళ్లిపోయాక ఇళ్లలో దొంగలు పడతారేమోననే భయం మరోవైపు ప్రజలను వేధిస్తోంది. ఈతరుణంలో ప్రజల ఇళ్లలో భద్రతను పెంచేందుకు తెలంగాణ పోలీసులు కొన్ని జాగ్రత్త చర్యలను సూచిస్తున్నారు. అవేంటో ఇప్పుడు తెలుసుకుందాం..
We’re now on WhatsApp. Click to Join.
సంక్రాంతి పండగ నేపథ్యంలో జాతీయ రహదారిపై ట్రాఫిక్ పెరిగింది. టోల్ ప్లాజాల వద్ద విపరీతమైన రద్దీ ఏర్పడింది. ఒక్కటి కాదు.. రెండు కాదు వేల సంఖ్యలో వాహనాలు వచ్చి టోల్ ప్లాజాల వద్ద వెయిట్ చేస్తుండటం కనిపిస్తోంది. పంతంగి ప్లాజా వద్ద విజయవాడ వెళ్లే వైపు పది గేట్లను ఎత్తి వేసినా ట్రాఫిక్ ఇబ్బందులు తప్పడం లేదు. ఫాస్ట్ ట్యాగ్ ఉన్న వాహనాలు కూడా నెమ్మదిగానే బయలుదేరుతున్నాయి. సంక్రాంతి పండగ కోసం విజయవాడ, రాజమండ్రి, విశాఖపట్నం, శ్రీకాకుళం, ఒంగోలు, నెల్లూరు వైపు వెళ్లే వాహనాలన్నీ ఇటే వస్తుండటంతో ట్రాఫిక్ ను పోలీసులు కూడా నియంత్రించ లేకపోతున్నారు. టోల్ ప్లాజాల వద్ద పోలీసులను ప్రత్యేకంగా నియమించినా కార్లలో వస్తుండటంతో వారిని కంట్రోల్ చేయలేక చేతులెత్తేస్తున్నారు.