Telangana : మందుబాబుల‌కు గుడ్ న్యూస్‌.. మ‌ద్యం ధ‌ర‌ల‌ను త‌గ్గించిన తెలంగాణ స‌ర్కార్‌

మ‌ద్యంప్రియుల‌కు తెలంగాణ స‌ర్కార్ గుడ్ న్యూస్ చెప్పింది. మద్యం ధరలను తెలంగాణ ప్రభుత్వం త‌గ్గించింది. త‌గ్గిన మ‌ద్యం ధ‌ర‌లు ఈ రోజు (శనివారం) నుంచి అమలులోకి రానున్నాయి. ఇండియన్ మేడ్ ఫారిన్ లిక్కర్ (ఐఎంఎఫ్‌ఎల్), ఫారిన్ లిక్కర్ (బీర్ కాకుండా)పై ప్రస్తుతం ఉన్న స్పెషల్ ఎక్సైజ్ సెస్ (ఎస్‌ఇసి) రేట్లను తగ్గించాలన్న తెలంగాణ స్టేట్ బేవరేజెస్ కార్పొరేషన్ లిమిటెడ్ ప్రతిపాదనకు తెలంగాణ ప్రభుత్వం శుక్రవారం ఆమోదం తెలిపింది. సవరించిన SEC రేట్లు శుక్రవారం నుండి బాట్లింగ్ యూనిట్ల నుండి పంపబడిన స్టాక్‌లకు వర్తిస్తాయి. సవరించిన ధరల ప్రకారం 90 ఎంఎల్‌, 180 ఎంఎల్‌ మద్యం బాటిల్‌పై రూ.10, 375 ఎంఎల్‌ బాటిల్‌పై రూ.20, 750 ఎంఎల్‌ బాటిల్‌పై రూ.40 తగ్గే అవకాశం ఉంది. శుక్రవారం నాటికి IMFL డిపోల వద్ద ఉన్న మద్యం నిల్వలు, IMFL డిపోల ముందు వేచి ఉన్న ట్రక్కులు మరియు స్టాక్ ఇన్-ట్రాన్సిట్‌లతో సహా ప్రస్తుత ధరలకే విక్రయించబడతాయి. అలాగే రిజిస్టర్డ్ మద్యం దుకాణాలు సవరించిన ధరల ప్రకారం శుక్రవారం నుంచి స్టాక్‌ను పంపించాలని ఆదేశించారు.