ఎండకాలంలో రాష్ట్రవ్యాప్తంగా అడవుల్లో మంటలు చెలరేగడం, అగ్ని ప్రమాదాలు తరచుగా జరుగుతుంటాయి. అగ్ని ప్రమాదాల కారణంగా తీవ్ర నష్టం, విధ్వంసం కూడా జరుగుతోంది. ఈ సమస్యలకు చెక్ పెట్టేందుకు అమ్రాబాద్ టైగర్ రిజర్వ్ (ATR) చక్కని ఆలోచన చేసింది. తమ పరిమితుల్లో అడవి మంటలను నిరోధించడానికి, నియంత్రించడానికి ఈ సంవత్సరం స్థానిక చెంచుల సేవలను ఉపయోగించుకుంటుంది. ముందుగా ఫైర్ లైన్ల నిర్వహణ, ఇతర అంశాలపై స్థానిక చెంచులకు అవగాహన కల్పిస్తున్నారు. దీని కోసం ATR రిజర్వ్ ఫారెస్ట్ కు సంబంధిత పెంటాస్ (గ్రామాలు)లో పని చేయడానికి చెంచులను తాత్కాలికంగా నియమిస్తోంది.
సాధారణంగా, జనవరిలో అటవీ అగ్ని ప్రమాదాలు నమోదవుతాయి. విశేషమేమిటంటే ఈ సంవత్సరం ATR నుండి ఇప్పటివరకు ఒక్క సంఘటన కూడా నమోదుకాలేదు. అధికారులు ఎటువంటి అవకాశాలను తీసుకోవడం లేదు. రిజర్వ్ లో దాదాపు 600 కి.మీ మేర ఫైర్ లైన్లు ఏర్పాటు చేశారు. అటవీ శాఖ అధికారులు అడవి మంటల నివారణ, నియంత్రణలో చెంచుల సాంకేతిక టెక్నాలజీ కూడా నేర్చుకుంటున్నారని ఫారెస్ట్ సీనియర్ అధికారి ఒకరు తెలిపారు. ఒక్కో గ్రామంలో దాదాపు 45 నుంచి 50 మంది చెంచులను అగ్నిమాపక సిబ్బందిగా నియమించారు. వారు ఫైర్ లైన్లను పర్యవేక్షించడంతోపాటు వాటిని నిర్వహించడం లాంటివి చేస్తారు. స్థానిక చెంచులు సీజన్‌లో మంచి ఆదాయాన్ని పొందుతున్నందున, అటవీ శాఖ అగ్నిమాపక శాఖ సమర్థవంతంగా పర్యవేక్షించి, ఏదైనా సంఘటన జరిగితే తదనుగుణంగా చర్యలు తీసుకుంటుంది. ఈ చర్యలతో పాటు ఏటీఆర్ ఫైర్ బ్లోయర్లను కొనుగోలు చేసి చెంచులకు అందజేస్తోంది.
పరికరాలను ఆపరేట్ చేయడానికి, వాటిని సరిగ్గా నిర్వహించడానికి శిక్షణ ఇస్తున్నారు. మంటలను నియంత్రించడంలో సమర్థవంతమైన మార్గాన్ని నిర్ధారించడం వీరి లక్ష్యం. ప్రస్తుతం అగ్నిప్రమాదం జరిగితే అధికారులు సంఘటనా స్థలానికి చేరుకుని మంటలను ఆర్పేందుకు రెండు, మూడు గంటల సమయం పడుతుందని అధికారులు తెలిపారు. ఈ ప్రతిపాదనతో నిమిషాల్లోనే మంటలను ఆర్పే వీలుంది. ప్రతి పెంటాలోని ముఖ్యమైన ప్రాంతాన్ని చెంచులు పర్యవేక్షిస్తారు కాబట్టి, వారు వెంటనే సంఘటనా స్థలానికి చేరుకుని మంటలను అదుపు చేయగలరని అధికారి భావిస్తున్నారు.