తెలంగాణ బీజేపీ చీఫ్ బండి సంజయ్ ప్ర‌జా సంగ్రామ యాత్రను ప్రభుత్వం నిలిపివేయ‌డంతో క‌రీన‌గ‌ర్లోని ఆయ‌న ఇంట్లో దీక్ష‌కు దిగారు. కేసీఆర్ ప్రభుత్వం వాల‌కాన్ని స‌వాల్ చేస్తూ లంచ్ మోష‌న్ పిటిష‌న్ ను సంజయ్ దాఖ‌లు ప‌రిచారు. మ‌ధ్యాహ్నం 3.45 గంట‌ల‌కు విచార‌ణ‌కు రానుంది. ఆ లోపుగా ప్ర‌భుత్వ తీరును నిర‌సిస్తూ సంజయ్ దీక్ష‌కు దిగారు. లిక్క‌ర్ స్కామ్ లో ఉన్న కవిత వ్య‌వ‌హారాన్ని మ‌ర‌ల్చ‌డానికి ప్ర‌జా సంగ్రామ యాత్రను అడ్డుకుంటూ కేసీఆర్ నిర్ణ‌యం తీసుకున్నార‌ని సంజయ్ ఆరోపిస్తున్నారు.
ప్రజాసంగ్రామ యాత్రను తక్షణమే నిలిపివేయాలని రాష్ట్ర పోలీసులు పార్టీని ఆదేశించడంతో తెలంగాణ బిజెపి రాజ్ భ‌వన్ మెట్లు దొక్కింది. న్యాయం కోసం గవర్నర్ తమిళిసై సౌందరరాజన్‌ను ఆశ్ర‌యించింది. బిజెపి నాయకుల ప్రతినిధి బృందం రాజ్‌భవన్‌లో గవర్నర్‌ను క‌లిసి ఆ మేర‌కు మెమోరాండం సమర్పించింది. జనరల్ ఆఫ్ పోలీస్ (డిజిపి) పాదయాత్రను కొనసాగించడానికి మరియు భద్రత కల్పించడానికి అనుమతించారు. కానీ హ‌ఠాత్తుగా నిలిపివేస్తూ నిర్ణ‌యం తీసుకోవాడాన్ని గవర్నర్ వ‌ద్ద ప్ర‌స్తావించారు.
బీజేపీ ఎంపీ కె. లక్ష్మణ్, జాతీయ కార్యవర్గ సభ్యురాలు విజయశాంతి, పార్టీ ఉపాధ్యక్షుడు డి. అరుణ, ఇతర నేతలు గవర్నర్‌ను కలిశారు. రాష్ట్ర బీజేపీ చీఫ్ బండి సంజయ్‌ను అక్రమంగా అరెస్టు, యాత్ర ను నిలిపివేసిన పరిస్థితులపై విచారణ జరిపించాలని డిమాండ్ చేశారు. కొందరు టీఆర్ఎస్ ఎమ్మెల్యేలు, ఎమ్మెల్సీలు పాదయాత్రపై దాడికి కుట్ర పన్నారని బీజేపీ నేతలు ఆరోపించారు. జనగాం జిల్లా , హైదరాబాద్ ప్రాంతాల్లో బీజేపీ కార్యకర్తలపై పోలీసులు, టీఆర్ఎస్ కార్యకర్తలు దాడి చేసిన ఘటనపై విచారణ జరిపించాలని కోరారు.
ముఖ్యమంత్రి కె. చంద్రశేఖర్‌రావు కుమార్తె, టిఆర్ఎస్ ఎమ్మెల్యే కె. కవిత ప్రమేయం ఉన్నందున ఢిల్లీలో మద్యం కుంభకోణంపై దృష్టి మరల్చేందుకు టిఆర్ఎస్ ప్రభుత్వం పాదయాత్రను నిలిపివేసిందని లక్ష్మణ్ విలేకరులతో అన్నారు.
కూతురుపై వచ్చిన ఆరోపణలపై ముఖ్యమంత్రి కేసీఆర్ మౌనం వహించడాన్ని విజయశాంతి ప్రశ్నించారు.
శాంతిభద్రతలకు విఘాతం కలుగుతోందని, బండి సంజయ్ చేస్తున్న పాదయాత్రను తక్షణమే ఆపాలని జనగాం జిల్లా బీజేపీ నేతలను పోలీసులు ఆదేశించడంతో బీజేపీ ప్రతినిధి బృందం గవర్నర్‌ను కలిసింది. మద్యం కుంభకోణానికి పాల్పడ్డారంటూ కవిత ఇంటి బయట సోమవారం హైదరాబాద్‌లో బీజేపీ కార్యకర్తలపై నిరసనకు దిగినందుకు నిరసనగా సోమవారం బండి సంజయ్‌ను జనగాం జిల్లాలో పోలీసులు అరెస్టు చేశారు. కరీంనగర్ పార్లమెంట్ సభ్యుడు సంజయ్ కరీంనగర్ కు వెళ్లిన త‌రువాత గృహనిర్బంధంలో ఉంచారు. దీంతో బీజేపీ, టీఆర్ఎస్ మ‌ధ్య పాద‌యాత్ర సంగ్రామం జ‌రుగుతోంది. దీనికి ఎలాంటి ఎండింగ్ ఉంటుందో చూద్దాం.