10th Class Results: తెలంగాణ ప‌దో త‌ర‌గ‌తి ఫ‌లితాలు విడుద‌ల‌.. రిజ‌ల్ట్స్ ఎలా చెక్ చేసుకోవాలంటే..?

10th Class Results: తెలంగాణ బోర్డు 10వ తరగతి (10th Class Results) ఫలితాలు ప్ర‌క‌టించింది. BSE తెలంగాణ ఈరోజు ఉదయం 11 గంటలకు TS SSC ఫలితాలను 2024 విలేకరుల సమావేశంలో విడుద‌ల చేసింది. విద్యార్థులు త‌మ‌ మార్కుల జాబితాను bse.telangana.gov.in, results.bsetelangana.orgలో చెక్ చేసుకోవ‌చ్చు. విద్యార్థులు తమ హాల్ టికెట్ నంబర్లను ఉపయోగించి రిజ‌ల్ట్స్ చూసుకోవ‌చ్చు. తెలంగాణ ప్రభుత్వ ప్రిన్సిపల్ సెక్రటరీ బుర్రా వెంకటేశం TS SSC ఫలితాలను ప్రకటించారు. మొత్తం ఉత్తర్ణత శాతం, విద్యార్థుల సంఖ్య, జిల్లాల వారీగా ఫలితాలు, లింగాల వారీగా ఫలితాలు, ఇతర వివరాలను ఉదయం 11 గంటలకు బోర్డు తెలిపింది. ఈ ఏడాది మార్చి 18 నుంచి ఏప్రిల్ 2 వ‌ర‌కు రాష్ట్రవ్యాప్తంగా 2,676 ప‌రీక్షా కేంద్రాల్లో మొత్తం 5 ల‌క్ష‌ల‌కు పైగా విద్యార్థులు ప‌ది ప‌రీక్ష‌ల‌కు హాజ‌ర‌య్యారు.

ఎప్పటిలాగే ఈసారి కూడా బాలికలే పైచేయి సాధించారు. రాష్ట్రవ్యాప్తంగా 91.31 శాతం మంది పాస్ అయ్యారని విద్యాశాఖ ముఖ్య కార్యదర్శి వెల్లడించారు. బాలికలు 93.23 శాతం మంది, బాలురు 89.42 శాతం మంది ఉత్తీర్ణులు అయ్యారు. 3927 పాఠశాలలు వందశాతం రిజల్స్ట్ సాధించాయి. ఆరు ప్రైవేటు స్కూళ్లలో ఎవరూ పాస్ కాలేదని తెలిపారు. 99 శాతం ఉత్తీర్ణతతో నిర్మల్ జిల్లా టాప్ లో ఉంది. 65 శాతం ఉత్తీర్ణతతో వికారాబాద్ లాస్ట్ లో ఉంది. ఇక జూన్ 3 నుంచి 13 వరకు అడ్వాన్స్ డ్ సప్లిమెంటరీ పరీక్షలు జరగనున్నట్లు తెలిపారు. మే 16 నుంచి పరీక్ష వివరాలు అందుబాటులో ఉంటాయని చెప్పారు. రీ వెరిఫికేషన్ కోసం 15 రోజుల్లోగా రూ. 500 చెల్లించాలని సూచించారు.

Also Read: Covid Vaccine: అల‌ర్ట్‌.. కోవిడ్ వ్యాక్సిన్‌తో రక్తం గడ్డకట్టడం నిజమేన‌ట‌..!

10వ తరగతి ఫలితాలను ఎలా చెక్ చేసుకోవాలి..?

విద్యార్థులు ప్రకటన తర్వాత వారి ఫలితాలను తనిఖీ చేయడానికి కింద పేర్కొన్న ప‌ద్ద‌తుల‌ను అనుసరించాలి.

– BSE తెలంగాణ అధికారిక వెబ్‌సైట్‌కు వెళ్లండి. bse.telangana.gov.in లేదా results.bsetelangana.org.

– దీని తర్వాత TS SSC పరీక్ష 2024 ఫలితాల లింక్‌పై క్లిక్ చేయండి.

– మీరు ఫలితాల‌ లింక్‌పై క్లిక్ చేసిన తర్వాత కొత్త పేజీ కనిపిస్తుంది. ఇక్కడ మీరు రోల్ నంబర్, డేట్ ఆఫ్ బ‌ర్త్‌ వంటి మీ లాగిన్ ఆధారాలను నమోదు చేయాలి.

– మీరు ఎంటర్ క్లిక్ చేసిన తర్వాత ఫలితాన్ని తనిఖీ చేయవచ్చు.

– భవిష్యత్తు సూచన కోసం ఫ‌లితాన్ని ఏ4 షీట్‌లో ప్రింట్ అవుట్ తీసుకోండి.

నోట్‌- విద్యార్థులు తమ స్కోర్‌ను bse.telangana.gov.in లేదా results.bse వెబ్‌సైట్‌ల నుంచి చెక్ చేసుకోవ‌చ్చు.

We’re now on WhatsApp : Click to Join

గత ఐదేళ్లలో ప‌ది విద్యార్థుల‌ ఉత్తీర్ణత శాతం

2023- 86.6%

2022- 90%

2021- 100%

2020- 100%

2019- 92.43%

గతేడాది ఫలితాలు ఇలా ఉన్నాయి

2023లో మొత్తం 4,84,370 మంది విద్యార్థులు SSC పరీక్షలకు హాజరయ్యారు. వారిలో 4,19,460 మంది విద్యార్థులు ఉత్తీర్ణులయ్యారని బోర్డు గ‌తేడాది ప్ర‌క‌టించింది.