Telangana: కేసీఆర్ 1,60,083 ప్రభుత్వ ఉద్యోగాలు ఇచ్చిండు.. రేవంత్ రికార్డు చూస్కో

Telangana

Telangana: ప్రభుత్వ ఉద్యోగాలపై డిమాండ్ చేస్తూ నిరసన తెలిపిన విద్యార్థి నాయకులను అరెస్టు చేయడాన్ని మాజీ ఐపిఎస్ అధికారి, బిఆర్‌ఎస్ నాయకుడు ఆర్ఎస్ ప్రవీణ్ కుమార్(RS Praveen Kumar) ఖండించారు. ఈ సందర్భంగా ఆయన మాట్లాడుతూ.. తెలంగాణ నిరుద్యోగులపై రేవంత్ రెడ్డి ప్రభుత్వ చర్యను నేను తీవ్రంగా ఖండిస్తున్నాను. అరెస్టు చేసిన వందలాది మంది విద్యార్థులను వెంటనే విడుదల చేయాలి. పబ్లిక్ సర్వీస్ కమిషన్ ముందు బారికేడ్‌లు అంతర్జాతీయ సరిహద్దును తలపిస్తున్నాయి అని ఆయన తెలిపారు.

ఎవరి పాలన బాగుంటుందో నిర్ణయించుకోవాలని నిరుద్యోగ సోదరులను కోరారు. కాంగ్రెస్‌ను నమ్మి మోసపోయిన నిరుద్యోగ సోదరులారా.. కేసీఆర్(KCR) హయాంలోనే 1,60,083 ప్రభుత్వ ఉద్యోగాలు భర్తీ అయ్యాయని ప్రవీణ్‌కుమార్ అన్నారు. అంటే ఏడాదికి సగటున 16,000 ఉద్యోగాలు. అంతేకాకుండా ప్రైవేట్ రంగంలో లక్షలాది ఉద్యోగాలు సృష్టించబడ్డాయి. మరోవైపు రేవంత్ రెడ్డి (Revanth Reddy) ఏడు నెలల్లో కేవలం 6063 ఉద్యోగాలకు మాత్రమే నోటిఫికేషన్ ఇచ్చారని ఆయన ఎత్తిచూపారు.

2016-17లో గురుకుల ఉపాధ్యాయ పోస్టుల అర్హతపై నిరుద్యోగులు ఒకరోజు ఆందోళన చేస్తే, మరుసటి రోజు కేసీఆర్ మెమోతో అర్హత మార్కులను సవరించారని గుర్తు చేశారు. గ్రూప్-1 లీకేజీ విషయంలో 2023 మార్చి 15న నిరుద్యోగులు ఆందోళనకు దిగడంతో కేసీఆర్ మార్చి 17న ప్రిలిమ్స్‌ను రద్దు చేసి సిట్‌ని ఏర్పాటు చేసి పలువురు నిందితులను అరెస్టు చేశారు. 10వ తరగతి తెలుగు ప్రశ్నపత్రం లీకేజీకి కారణమైన ఎంపీ బండి సంజయ్‌ను అరెస్టు చేసేందుకు కేసీఆర్ వెనుకాడలేదని ప్రవీణ్ అన్నారు. టీఎస్‌పీఎస్‌సీ చైర్మన్‌ అసమర్థత కారణంగా గ్రూప్‌-1 ప్రిలిమ్స్‌ను కోర్టు రెండోసారి రద్దు చేసిందని తెలిపారు. 2023లో చాలా పరీక్షలతో గ్రూప్-2 పరీక్ష జరగడంతో కేసీఆర్ వాయిదా వేసిన విషయాన్ని గుర్తు చేశారు.

Also Read: Amaravati: ఎమ్మెల్యే క్వార్టర్స్‌ను పరిశీలించిన అయ్యన్నపాత్రుడు