Talasani Srinivas Yadav : తెలంగాణ భవన్లో జరిగిన విలేకరుల సమావేశంలో మాజీ మంత్రి తలసాని శ్రీనివాస్ యాదవ్ కాంగ్రెస్ ప్రభుత్వంపై తీవ్రమైన విమర్శలు గుప్పించారు. బీఆర్ఎస్ ఎమ్మెల్యేలు పార్టీ మారే పరిస్థితి అసలు లేదని స్పష్టం చేశారు. పార్టీ మారిన వారి పరిస్థితి అందరికీ తెలిసినదేనని, అందువల్ల తమ శ్రేణుల్లో ఎలాంటి అసంతృప్తి లేదని తెలిపారు. “మా ఎమ్మెల్యేలు పార్టీ మారే అవసరం లేదు. ఎందుకంటే, పార్టీ మారిన వారి గతి ఏమవుతుందో అందరూ చూశారు. మా క్యాడర్ చాలా హుషారుగా ఉంది. అసత్యమైన ప్రచారాలు చేస్తున్నవారిని అడగాలి” అని తలసాని అన్నారు.
తెలంగాణలో కాంగ్రెస్ ప్రభుత్వం కుట్ర పూరితంగా సర్వే నిర్వహించిందని తలసాని శ్రీనివాస్ యాదవ్ ఆగ్రహం వ్యక్తం చేశారు. ముఖ్యంగా హైదరాబాద్ పరిసర గ్రామాల్లో సర్వే పూర్తిగా నిర్లక్ష్యంగా జరిగిందని ఆరోపించారు. “60 లక్షల మంది ఓటర్లు ఎక్కడ పోయారో లెక్కలు లేవు. ఇది ఎంత పెద్ద అవకతవకకు నిదర్శనం. ఎన్నికల కమిషన్ ఇచ్చిన లెక్కల ప్రకారమే చూస్తే మిగిలిన ఓటర్లు ఎక్కడకు పోయారు అనే ప్రశ్నకు స్పష్టత లేదు” అని ఆయన మండిపడ్డారు.
CM Chandrababu : యాసిడ్ దాడి ఘటన..తీవ్రంగా ఖండించిన సీఎం చంద్రబాబు
అంతేకాదు, ఈ సర్వేను పూర్తిగా పునరావృతం చేయాలని తలసాని డిమాండ్ చేశారు. “ఈ ప్రభుత్వం ప్రజలను తప్పుదోవ పట్టిస్తోంది. సర్వేను పునఃసమీక్షించి నిజాలను బయటపెట్టాలి. ఇది కేవలం ఓటర్లను తొలగించి తమకు అనుకూలమైన వర్గాలను ప్రోత్సహించడానికి చేస్తున్న కుట్ర మాత్రమే” అని ఆరోపించారు.
బీసీ రిజర్వేషన్ల గురించి తలసాని శ్రీనివాస్ యాదవ్ మరింత స్పష్టతతో మాట్లాడారు. “బీసీ రిజర్వేషన్లపై కేవలం తీర్మానాలు చేసి కేంద్రానికి పంపడం కాదు, చట్టం చేయాలి. ఎందుకంటే, కేంద్రం ఫైనాన్స్ కమిషన్ ద్వారా నిధులను జనాభా ప్రాతిపదికన మంజూరు చేస్తుంది. తెలంగాణలో 1.35 శాతం జనాభా పెరుగుదల ఉంది. కాబట్టి, జనాభా గణాంకాలను పరిగణనలోకి తీసుకుని బీసీలకు సరైన న్యాయం చేయాలి” అని ఆయన స్పష్టం చేశారు.
ఎమ్మెల్సీ ఎన్నికల నేపథ్యంలో కాంగ్రెస్ ప్రభుత్వానికి తలసాని శ్రీనివాస్ యాదవ్ సూటి ప్రశ్నలు సంధించారు. “ముందు ఎమ్మెల్సీ ఎన్నికల్లో గెలవండి. మా మీద పడి ఏడవడం ఏంటి? ప్రజల్లో నమ్మకం ఉన్నదే కీలకం. ఫలితాలు చూస్తే మీ నిజమైన స్థితి ఎలా ఉందో తెలుస్తుంది” అంటూ కాంగ్రెస్ ప్రభుత్వాన్ని ఉద్దేశించి కౌంటర్ ఇచ్చారు.
అలాగే, కాంగ్రెస్ ప్రభుత్వం బీసీలను కేవలం ఓటు బ్యాంకుగా వాడుకుంటోందని ఆరోపించారు. “బీసీల హక్కుల గురించి నిజంగా ఆలోచన ఉంటే, చట్టపరమైన రిజర్వేషన్లను అమలు చేయాలి. తీర్మానాలు చేసి కేంద్రానికి పంపడం రాజకీయ డ్రామా మాత్రమే” అని ఎద్దేవా చేశారు.
Monday: స్త్రీలు సోమవారం రోజు ఇలా చేస్తే చాలు.. లక్ష్మీదేవి ఇంట్లో తిష్ట వేయాల్సిందే!