Eatala Land:ఈటెల భూ ఆక్ర‌మ‌ణ‌పై మ‌ళ్లీ స‌ర్వే షురూ

మాజీ మంత్రి, హుజురాబాద్ ఎమ్మెల్యే ఈటెల రాజేంద్రకు చెందిన జ‌మున హేచ‌రీస్ లో మ‌ళ్లీ భూముల స‌ర్వే ప్రారంభం అయింది. నాలుగు నెలల సుదీర్ఘ విరామం తర్వాత మెదక్ జిల్లా మాసాపీట్‌లోని అచ్చంపేట, హకీంపేట్ గ్రామాల్లో జమున హేచరీస్‌కు చెందిన భూముల సర్వే ప్రక్రియను రెవెన్యూ, సర్వే అధికారులు ప్రారంభించారు.
బీజేపీ ఎమ్మెల్యే రాజేందర్ భార్య జమున, ఇతర కుటుంబ సభ్యులకు చెందిన హేచరీస్ భూముల్లో మూడు రోజుల పాటు సర్వే ప్రక్రియ కొనసాగనుంది. భూములకు సంబంధించి దాదాపు 100 మందికి నోటీసులు అందజేశామన్నారు.
జమున హేచరీస్ కొంత ప్రభుత్వ భూమిని మరియు అసైన్‌మెంట్ భూమిని ఆక్రమించిందని నోటీసులు జారీ చేపిన విష‌యం విదిత‌మే.

Also Read: చంద్ర‌యాన్ 2 రోవ‌ర్ క‌క్ష్యలో మార్పులు – ఇస్రో

ఈ నోటీసులు రాజేందర్ మరియు ముఖ్యమంత్రి కె. చంద్రశేఖర్ రావు మధ్య వివాదంగా మారి, హుజూరాబాద్‌లో ఉప ఎన్నికకు దారితీసింది. 22 మంది రైతులకు చెందిన 18.35 ఎకరాల భూమిలో సర్వే ప్రారంభమైంది. రైతులను మినహాయిస్తే అధికారులు సర్వే దగ్గరకు ఎవరినీ అనుమతించలేదు. మాదిగ రిజర్వేషన్‌ పోరాట సమితి (ఎంఆర్‌పీఎస్‌) కార్యకర్తలు గతంలో భూములు కేటాయించిన వారికే ప్రభుత్వం పంపిణీ చేయాలని డిమాండ్‌ చేస్తూ ధర్నాకు దిగారు. టీఆర్‌ఎస్‌, బీజేపీ కార్యకర్తలు కూడా అక్కడికి చేరుకున్నారు. అయితే సర్వే వివరాలను అధికారులు వెల్లడించలేదు.