RTC : తెలంగాణ ప్రభుత్వం మహిళా సంఘాలకు ఆర్టీసీ అద్దె బస్సులు కేటాయిస్తూ కీలక నిర్ణయం తీసుకుంది. ఈ నిర్ణయం ద్వారా మహిళా సంఘాలకు ఉపాధి అవకాశాలు పెరుగుతాయని ప్రభుత్వం ఆశిస్తోంది. మంగళవారం (మార్చి 4, 2025) తెలంగాణ ప్రభుత్వం మహిళా సంఘాలకు ఆర్టీసీ అద్దె బస్సులు కేటాయిస్తూ ఉత్తర్వులు జారీ చేసింది. ఈ ఉత్తర్వుల ప్రకారం, తొలి విడతలో 150 మహిళా సంఘాలకు బస్సులు కేటాయించనున్నారు. త్వరలో మిగిలిన సంఘాలకు 450 ఆర్టీసీ అద్దె బస్సులు కేటాయించనున్నట్లు ప్రభుత్వం తెలిపింది.
Read Also: High Tension at Mamunur Airport : మామునూరు ఎయిర్పోర్టు వద్ద మొదలైన నిరసనలు
బస్సుల కొనుగోలుకు బ్యాంకు గ్యారంటీ ఇవ్వాలని ప్రభుత్వం నిర్ణయించింది. టీజీఎస్ఆర్టీసీ ఒక్కో బస్సుకు 77,220 రూపాయల అద్దె చెల్లించనుంది. ఈ బస్సుల నిర్వహణ బాధ్యతల కోసం ప్రత్యేక వ్యవస్థను ఏర్పాటు చేయనున్నారు. ఈ నిర్ణయం ద్వారా మహిళా సంఘాలకు ఉపాధి అవకాశాలు పెరుగుతాయని ప్రభుత్వం ఆశిస్తోంది. బస్సుల కొనుగోలుకు అయ్యే ఖర్చు, వచ్చే ఆదాయం, నిర్వహణ ఖర్చు తదితర అంశాలన్నింటితో కూడిన సమగ్ర నివేదికను సిద్ధం చేసి ప్రభుత్వానికి అధికారులు సమర్పించారు. ఈ నిర్ణయాన్ని పలు వర్గాలు స్వాగతించగా, మరికొన్ని వర్గాలు దీని పట్ల నిరసన వ్యక్తం చేశాయి. అయితే, దీన్ని మహిళా సంఘాలకు ఉపాధి అవకాశాలు పెంచే విధంగా తీర్పు ఇవ్వడాన్ని పౌర సమాజం, మీడియా వర్గాలు హర్షించాయి. కాగా, మహిళా సంఘాలకు ఉపాధి కల్పించడంతోపాటు వారు కొనుగోలు చేసిన బస్సులను హైర్ చేసుకోవాలని ఆర్టీసీ నిర్ణయించింది.
