Telangana : గర్భిణీల కోసం ఫ్రీ ఆటో సర్వీస్​ చేపట్టి అందరికి ఆదర్శంగా నిలుస్తున్నాడు

Sahib Auto Driver

ఈరోజుల్లో మనుషుల్లో స్వార్థం బాగా పెరిగింది..సాటి మనిషి ఆపదలో ఉన్నాడంటే అతనికి సాయం చేయడం అంటుంచి..చేసేవారిని కూడా చేయనివ్వడం లేదు. ప్రతిదీ కమర్షియల్ గా ఆలోచిస్తుంన్నారు. ఇలాంటి ఈరోజుల్లో ఓ తాపీ మేస్త్రి కొడుకు గర్భిణీల కోసం ఫ్రీ ఆటో సర్వీస్​ (Free auto service ) చేపట్టి..అందరికి ఆదర్శంగా నిలుస్తున్నాడు.

నిర్మల్​ జిల్లా భైంసాలోని పిప్రీ కాలనీలో రాందాస్​ వయసు మీద పడటంతో కొన్నేండ్ల నుంచి ఇంటికే పరిమితమయ్యాడు. ఆయన భార్య నాగమణి బీడీలు చుడుతూ కొడుకు సాహెబ్​రావుతో పాటు, మిగితా ఇద్దరు పిల్లల బాధ్యతని భుజానికెత్తుకుంది. కానీ, రానురాను ఆర్థిక ఇబ్బందులు పెరగడంతో కొడుకు సాహెబ్ (Sahib)..ఇంటర్ తోనే చదువు మానేసి..ఓ ఆటో కొనుక్కున్నాడు. ఆటో నడుపుతూ..కుటుంబాన్ని పోషిస్తున్నాడు. ఏడాది కిందట సాహెబ్​ ఫ్రెండ్​కి కూతురు పుట్టింది. కానీ, ఆ సంతోషం ఎంతో సేపు నిలవలేదు వాళ్లకి. పుట్టిన కొద్దిరోజులకే పాప అనారోగ్యానికి గురికావడం తో.. హాస్పిటల్​కి వెళ్లడం ఆలస్యం కావడంతో ఆ చిన్నారి చనిపోయింది. ఆ సంఘటన​ తర్వాత చాలా రోజులు నిద్రపట్టలేదు సాహెబ్​కి.

Read Also : Andhra Pradesh : బీజేపీకి కొత్త అర్థం చెప్పిన ఏపీ కాంగ్రెస్ నేత తుల‌సి రెడ్డి

ఆ క్షణమే ఓ నిర్ణయం తీసుకున్నాడు. ఆ పాపకు ఎదురైనా పరిస్థితి మరొకరికి రాకూడదు అనుకున్నాడు. బాలింతలతో పాటు గర్భిణీలను టైంకి హాస్పిటల్​కి చేర్చడానికి ఫ్రీ ఆటో సర్వీస్​ చేయాలనీ అనుకున్నాడు. సాయం కావాలని ఎన్ని మైళ్ల దూరం నుంచి ఫోన్​ వచ్చినా రాత్రిపగలు, వారాలతో పనిలేకుండా వెళ్లడం మొదలుపెట్టాడు. వాళ్లని హాస్పిటల్​కి చేర్చడమే కాదు.. ట్రీట్మెంట్​ పూర్తయ్యాక మళ్లీ తన ఆటోలోనే ఇంట్లో దిగబెడుతున్నాడు. ఆడపిల్ల పుడితే పుట్టిన తేదీ నుంచి ఆరు నెలల వరకు ఫ్రీగా తన ఆటోలోనే చెకప్​కి తీసుకెళ్తున్నాడు. ఇలా గడిచిన ఎనిమిది నెలల నుంచి వందల మందికి సాయం చేశాడు..చేస్తూ వస్తున్నాడు. సాహెబ్ చేసే పనికి ఆ చుట్టుపక్కల ప్రజలే కాదు జిల్లా నుండి ఇప్పుడు రాష్ట్రం ..రాష్ట్రం నుండి దేశం మొత్తం మెచ్చుకుంటుంది. ప్రస్తుతం సాహెబ్ గురించి అంత ఆరా తీస్తున్నారు.