Maganti Sunitha: జూబ్లీహిల్స్ నియోజకవర్గం.. నిన్నటి వరకు బీఆర్‌ఎస్ అభ్యర్థి మాగంటి సునీత (Maganti Sunitha) కన్నీళ్లు, కేటీఆర్ సానుభూతి రాజకీయాలకు వేదిక. కానీ నేడు ఆ భావోద్వేగ ప్రచారానికి తెర వెనుక ఉన్న ‘నిజ జీవిత కథ’ బయటపడింది. ఏకంగా మాజీ ఎమ్మెల్యే మాగంటి గోపీనాథ్ అసలు కుటుంబ సభ్యులే మీడియా ముందుకు వచ్చి సునీత, కేటీఆర్‌లపై సంచలన ఆరోపణలు చేయడంతో ‘సానుభూతి సింఫనీ’ కాస్తా ‘వివాదాల తుఫాన్‌’గా మారింది!
కన్నీళ్లపై స్క్రిప్ట్.. కేటీఆర్ రాసిన కథకు ట్విస్ట్!
గోపీనాథ్ మరణానంతరం కేటీఆర్ అద్భుతమైన రాజకీయ స్క్రిప్ట్ రాశారనే ప్రచారం జరిగింది. పి.జె.ఆర్. కుమారుడు విష్ణువర్ధన్ రెడ్డికి టిక్కెట్ ఇవ్వకుండా ‘సానుభూతి కార్డ్’ పైనే ఉపఎన్నికల భవిష్యత్తును నిర్ణయించారు. కేటీఆర్ డోర్ టు డోర్ ప్రచారంలో ఇలాంటి మాటలే పలికారు. “సునీత భర్తను కోల్పోయింది. ఆమెకు న్యాయం చేయండి, సానుభూతికి ఓటేయండి.” ఈ భావోద్వేగ ప్రచారాన్ని నవంబర్ ఉదయం వరకు సునీత కన్నీళ్లతో కొనసాగించారు.
మరణం వెనుక అసలు విలన్?
కానీ సినిమా ముగింపులో విలన్ బయటపడినట్టుగా ఈ ‘ఎమోషనల్ స్క్రిప్ట్’ సడెన్‌గా రివర్స్ అయింది. మాగంటి గోపీనాథ్ గత జీవితం నుంచి ఆయన కుటుంబ సభ్యులు బయటకొచ్చారు. తల్లి మహానంద కుమారి, చట్టబద్ధమైన భార్య మాలిని దేవి, కుమారుడు తారక్ ప్రద్యుమ్న.
వృద్ధురాలైన తల్లి కన్నీటి ఆరోపణలు
“నా గోపీ మరణం తర్వాత కేటీఆర్, సునీత కలిసి దాచేశారు. రోజుల తరబడి మమ్మల్ని కలవనివ్వలేదు. ఆసుపత్రిలో ఉన్నప్పుడు చూడనివ్వలేదు. ప్రాపర్టీ వ్యవహారాలు వెనక పట్టు జరిగాయి. మాట్లాడితే బెదిరింపులు వచ్చాయి!” అని మహానంద కుమారి కంటతడి పెట్టారు.
Also Read: Reliance : క్షమాపణలు చెప్పిన రిలయన్స్, స్కోడా.. ఎందుకంటే?
మాలిని దేవి తీవ్ర వ్యాఖ్యలు
“మా భర్త చివరి క్షణాల్లో కూడా మమ్మల్ని బయట నిలబెట్టారు. మరణం తర్వాత శవం దగ్గరికి వెళ్లనివ్వలేదు. సునీత విధవరాలు కాదు. ఆ కప్పు వెనక నాటకం ఉంది!” అని మాలిని దేవి అన్నారు.
కుమారుడు తారక్ ప్రద్యుమ్న
“నాన్నతో చివరి కాల్ జూన్ 2న. ఆ తర్వాత మౌనం. వారసత్వ పత్రాలు నకిలీ చేశారు. ఎన్నికల కోసం మా తండ్రి మరణాన్ని వాడుకున్నారు. సునీత నాటక నాయిక!” అని గట్టిగా విమర్శించారు.
జూబ్లీహిల్స్ ఓటరు మదిలో మాట
సానుభూతి కథలో ‘హీరోయిన్’గా నిలిచిన మాగంటి సునీత ఇప్పుడు విలన్‌గా మారిందనే భావన ప్రజల్లో బలంగా నాటుకుంది. ఈ రాజకీయ నాటకానికి దర్శకత్వం వహించిన కేటీఆర్‌పై కూడా వేళ్లు ఎత్తబడ్డాయి. జూబ్లీహిల్స్ ఓటర్లు ఇప్పుడు నిలదీస్తున్నారు. “కన్నీళ్లకు ఓటా? లేక నిజమైన నాయకత్వానికా?” ప్రజల మదిలో మాట ఒక్కటే నిజమైన నాయకత్వం కావాలి, రాజకీయ నాటకం కాదు.