హైదరాబాద్ వేదికగా జరుగుతున్న గ్లోబల్ సమ్మిట్ వేడుకలు రెండో రోజు (మంగళవారం) అత్యంత ఉత్సాహంగా కొనసాగాయి. ముఖ్యమంత్రి రేవంత్ రెడ్డి ఈ సందర్భంగా రాష్ట్ర భవిష్యత్తును రూపుదిద్దే “తెలంగాణ రైజింగ్-2047” విజన్ డాక్యుమెంట్ను ఆవిష్కరించారు. ఈ కీలక కార్యక్రమంలో మహీంద్రా గ్రూప్ చైర్మన్ ఆనంద్ మహీంద్రా, ఆర్బీఐ మాజీ గవర్నర్ దువ్వూరి సుబ్బారావు, కాలిఫోర్నియా ఎకనమిక్ ప్రొఫెసర్ కార్తిక్ మురళీధరన్, మాజీ చీఫ్ ఎకనమిక్ అడ్వైజర్, ఉపముఖ్యమంత్రి భట్టి విక్రమార్క, సినీ నటుడు చిరంజీవి సహా పలువురు మంత్రులు, దేశ విదేశాల ప్రముఖులు, వాణిజ్యవేత్తలు పెద్ద సంఖ్యలో పాల్గొన్నారు. సమ్మిట్ ప్రారంభమైన తొలిరోజే రాష్ట్రానికి ఏకంగా 2 లక్షల 43 వేల కోట్ల రూపాయల పెట్టుబడులు రావడం, 35 కంపెనీలతో ఒప్పందాలు కుదుర్చుకోవడం ఈ వేడుకల విజయానికి నిదర్శనం. రెండో రోజు కూడా సీఎం సుమారు 20 సమావేశాల్లో పాల్గొని, ఎడ్యుకేషన్, పవర్, టూరిజం, లైఫ్ సైన్స్, ఆటోమొబైల్స్, ఎలక్ట్రానిక్స్ మరియు AI రంగాల కంపెనీలతో పెట్టుబడులపై చర్చించడం విశేషం.
India vs South Africa: టీమిండియా సంచలన విజయం.. దక్షిణాఫ్రికాపై 101 పరుగుల తేడాతో గెలుపు!
సమ్మిట్లో పారిశ్రామిక ఒప్పందాలు మరియు చర్చలతో పాటు, వివిధ అంశాలపై ప్యానల్ డిస్కషన్స్ ఆకర్షణీయంగా జరిగాయి. ‘ఒలంపిక్ గోల్డ్ క్విస్ట్’ అనే అంశంపై జరిగిన చర్చలో బ్యాడ్మింటన్ క్రీడాకారిణి గుత్తా జ్వాల పాల్గొని, తెలంగాణలో కొత్త స్పోర్ట్స్ పాలసీ తీసుకురావడంపై సంతోషం వ్యక్తం చేశారు. క్రీడారంగానికి సీఎం రేవంత్ రెడ్డి చరిత్రలో నిలిచిపోయే విధంగా పెద్దపీట వేస్తున్నారని క్రికెటర్ అంబటి రాయుడు ధీమా వ్యక్తం చేశారు. మరోవైపు, సీఎంతో తాజ్ జీవీకే, సుమధుర గ్రూప్, ప్రెస్టీజ్ గ్రూప్, టీసీసీఐ, సెంబ్ కార్ప్ వంటి దిగ్గజ సంస్థల ప్రతినిధులు భేటీ అయి ఎంఓయూలు కుదుర్చుకున్నారు. ఈ సాయంత్రం ముగింపు వేడుకలో భాగంగా, గిన్నిస్ రికార్డు లక్ష్యంగా డ్రోన్ల ప్రదర్శన నిర్వహించనున్నారు. అంతేకాకుండా, సీఎం రేవంత్ రెడ్డి రాష్ట్రవ్యాప్తంగా కలెక్టరేట్లలో ఏర్పాటు చేసిన తెలంగాణ తల్లి విగ్రహాలను వర్చువల్గా ఆవిష్కరించారు.
Apply Oil: ప్రతిరోజు జుట్టుకు నూనె రాయకూడదా.. ఎన్ని రోజులకు ఒకసారి అప్లై చేయాలో తెలుసా?
ఈ గ్లోబల్ సమ్మిట్ తెలంగాణలో పెట్టుబడులు, సాంకేతిక అభివృద్ధి మరియు క్రీడాభివృద్ధికి బలమైన పునాది వేసింది. నేడు (బుధవారం) చివరి రోజు ముగింపు వేడుక ‘తెలంగాణ రైజింగ్ కమ్-జాయిన్ది రైస్’ థీమ్తో ఘనంగా నిర్వహించనున్నారు. ముఖ్యమంత్రి నేడు సాయంత్రం మహీంద్రా గ్రూప్ చైర్మన్ ఆనంద్ మహీంద్రాతో ప్రత్యేకంగా సమావేశమై గ్రీన్ వెహికల్స్, రూరల్ ఎంటర్ప్రైజెస్ రంగాల పెట్టుబడులపై చర్చిస్తారు. కాగా, మంత్రి కొండా సురేఖ ఇందిరమ్మ చీర కట్టుకొని సమ్మిట్కు హాజరై, అటవీ-పర్యావరణం, దేవాదాయశాఖపై బ్రీఫింగ్ ఇచ్చారు. ఈ సమ్మిట్ స్ఫూర్తితో, హైదరాబాద్ మరో గ్లోబల్ బిజినెస్ కాన్ఫరెన్స్కు (జనవరి 4, 5, 6 తేదీల్లో) ఆప్టా ఆధ్వర్యంలో వేదిక కానుంది. ఈ మెగా ఈవెంట్ ద్వారా తెలంగాణ ఆర్థిక వ్యవస్థకు, వాణిజ్య రంగానికి కొత్త ఊపు రానుంది.