హరియాణా గవర్నర్ బండారు దత్తాత్రేయ (Haryana Governor Dattatreya) కాన్వాయ్‌కు రోడ్డు ప్రమాదం (Convoy Road accident) చోటుచేసుకుంది. ఈ సంఘటన ఆయన హైదరాబాద్ నుంచి ఢిల్లీ వెళ్తున్న సమయంలో, శంషాబాద్ ఎయిర్పోర్టు (Shamshabad Airport)కు వెళ్తుండగా జరిగింది. ఒక కారు అకస్మాత్తుగా కాన్వాయ్ మధ్యలోకి రావడంతో, ముందున్న వాహనం సడన్ బ్రేక్ వేయాల్సి వచ్చింది. దీనితో ముగ్గురు వాహనాలు ఒకదానినొకటి ఢీకొన్నాయి. ఈ ప్రమాదంలో బండారు దత్తాత్రేయకు ఎలాంటి గాయాలు కాలేదని, కానీ భద్రతా సిబ్బందికి స్వల్ప గాయాలైనట్లు తెలుస్తోంది. ఘటనపై పోలీసులు కేసు నమోదు చేసి దర్యాప్తు చేపడుతున్నారు.
ప్రస్తుతం బండారు దత్తాత్రేయ హరియాణా గవర్నర్‌గా సేవలందిస్తున్నారు. భారతీయ జనతా పార్టీ (బీజేపీ)కి చెందిన సీనియర్ నాయకుడిగా, ఆయన తెలుగు రాష్ట్రాల్లో రాజకీయంగా కూడా ప్రముఖమైన వ్యక్తి. 1947 ఫిబ్రవరి 12న హైదరాబాద్‌లో జన్మించిన దత్తాత్రేయ, రాజకీయ జీవితాన్ని రాష్ట్రీయ స్వయంసేవక్ సంఘ్ (RSS) ద్వారా ప్రారంభించి, తరువాత బీజేపీలో చేరారు. దత్తాత్రేయ 1991, 1998, 1999 మరియు 2014లో లోక్‌సభకు ఎన్నికయ్యారు. అలాగే కేంద్రీయ కార్మిక మరియు ఉపాధి మంత్రిగా కూడా పనిచేశారు. బీజేపీ ముఖ్య నాయకుల్లో ఒకరిగా, దత్తాత్రేయ తెలంగాణ రాష్ట్రంలో పార్టీకి బలాన్ని పెంచడంలో కీలకపాత్ర వహించారు. 2021లో, ఆయన హరియాణా రాష్ట్ర గవర్నర్‌గా నియమితులయ్యారు. హరియాణా గవర్నర్‌గా ఉండే సమయంలో, ఆయన ఆ రాష్ట్రంలో వివిధ అభివృద్ధి కార్యక్రమాలను ముందుకు తీసుకెళ్లడంలో శ్రద్ధ చూపిస్తూ వస్తున్నారు.
దత్తాత్రేయ కేవలం రాజకీయ నాయకుడిగానే కాకుండా సామాజిక సేవలోనూ ప్రసిద్ధి గాంచారు. అయన సామాన్య జీవనశైలి, ప్రజలకు అందుబాటులో ఉండే నాయకుడిగా గుర్తింపు తెచ్చుకున్నారు. ఆయన సమాజం పట్ల, ప్రజల పట్ల, ప్రజాస్వామ్య పరమైన విలువల పట్ల తగిన గౌరవాన్ని ప్రదర్శిస్తూ రాజకీయాలలో సుదీర్ఘ ప్రయాణం సాగిస్తున్నారు. ఆయన తన రాజకీయ జీవితంలో ఎంతోమంది సామాన్యులకు సహాయం చేశారు. సామాజిక చైతన్యం కల్పించేందుకు కృషి చేశారు. హైదరాబాద్‌లో పేదవర్గాలకు విద్య, ఆరోగ్య సేవలు అందించే కార్యక్రమాలలో కూడా ఆయన భాగస్వామ్యుడయ్యారు.
Read Also : Nara Lokesh : కేంద్రమంత్రి అమిత్ షాతో నారా లోకేశ్ భేటీ