ఇటీవల సంభవించిన వరదల వల్ల జరిగిన నష్టాన్ని అంచనా వేయడానికి కాంగ్రెస్ ఎమ్మెల్యేల బృందం కాళేశ్వరం లిఫ్ట్ ఇరిగేషన్ స్కీమ్ (కెఎల్‌ఐఎస్) వద్దకు వెళ్లింది.అయితే ట్రాఫిక్‌ స్తంభించడంతో పోలీసులు కాంగ్రెస్ సభ్యులను అరెస్ట్‌ చేసి పోలీస్‌ స్టేషన్‌కు తరలించారు.అంతకుముందు గుర్రాలపాడు గ్రామం వద్ద పోలీసులు వారిని అడ్డుకున్నారు. సీఎల్పీ నేత మల్లు భట్టి విక్రమార్క, ఎమ్మెల్యేలు డి.శ్రీధర్‌బాబు, సీతక్క, ఎమ్మెల్సీ టి.జీవన్‌రెడ్డి తో పాటు కేంద్ర మాజీ మంత్రి బలరాంనాయక్‌, కిసాన్‌ సెల్‌ రాష్ట్ర అధ్యక్షుడు అన్వేష్‌రెడ్డి పాల్గొన్నారు. ప్రాజెక్టు పరిసర ప్రాంతాలు మావోయిస్టుల ఆధీనంలో ఉన్నందున ముందుకు వెళ్లవద్దని పోలీసులు బారికేడ్లతో రహదారిని అడ్డుకున్నారు. శ్రీధర్‌బాబు, తమ పర్యటనకు ముందే పోలీసులకు స‌మాచారం ఇచ్చామ‌ని..భద్రత కల్పించడానికి ఎందుకు సిద్ధంగా లేరని పోలీసు అధికారులను ప్రశ్నించారు.
మంగళవారం దుమ్మగూడెం ప్రాజెక్టు సందర్శనకు రాకుండా పోలీసులు అడ్డుకోవడంతో కాంగ్రెస్ లెజిస్లేచర్ పార్టీ (సీఎల్పీ) బూర్గంపహాడ్ మండలం మణుగూరు క్రాస్ రోడ్స్‌పై రాస్తారోకో (రోడ్‌బ్లాక్) ధర్నాకు దిగింది.అంతకుముందు భద్రాచలం, పినపాక డివిజన్లలో వరద ప్రభావిత ప్రాంతాల్లో కాంగ్రెస్ నాయకులు, కార్యకర్తల బృందం పర్యటించింది. సుభాష్‌నగర్ కాలనీ వాసులతో మాట్లాడిన సీఎల్పీ బృందం వరద బాధితులను రక్షించడంలో రాష్ట్ర ప్రభుత్వం విఫలమైందని ఆరోపించారు.