Sitamma Sagar Project: సీతమ్మ సాగర్ ప్రాజెక్టుపై కాంగ్రెస్ స‌ర్కార్ కీల‌క నిర్ణ‌యం!

Sitamma Sagar Project: సీతమ్మ సాగర్ ప్రాజెక్టుకు (Sitamma Sagar Project) కేంద్ర ప్రభుత్వం 67 టీఎంసీల నీటిని కేటాయిస్తూ అధికారిక నిర్ణయం తీసుకుంది. అలాగే బ్యారేజ్ నిర్మాణానికి సాంకేతిక అనుమతులు మంజూరు చేసింది. ఈ విషయాన్ని తెలంగాణ డిప్యూటీ సీఎం భట్టి విక్రమార్క మల్లు గురువారం ఒక ప్రకటనలో తెలిపారు. రాష్ట్ర ప్రభుత్వం చేపట్టిన ఈ ప్రాజెక్ట్ ద్వారా ఖమ్మం జిల్లాలో వేల ఎకరాల బీడు భూములు సస్యశ్యామలం కానున్నాయని ఆయన పేర్కొన్నారు.

ఈ సందర్భంగా భారీ నీటిపారుదల శాఖ మంత్రి ఉత్తం కుమార్ రెడ్డి కేంద్ర ప్రభుత్వానికి స్పష్టమైన సమాచారం అందించి, వారిని ఒప్పించి అనుమతులు సాధించినందుకు డిప్యూటీ సీఎం ఆయనను అభినందించారు. మంత్రి ఉత్తం ప్రయత్నాల వల్ల ఉమ్మడి ఖమ్మం జిల్లాలో భవిష్యత్తులో పెద్ద ఎత్తున బీడు భూములను సాగు చేసే అవకాశం కల్పించబడిందని ఆయన వివరించారు. దశాబ్దాల తర్వాత రాష్ట్ర ప్రభుత్వం ఈ అధికారిక అనుమతులను సాధించడం అభినందనీయమని భట్టి విక్రమార్క పేర్కొన్నారు. సీతమ్మ సాగర్ బ్యారేజ్ నిర్మాణం దేవాదుల ప్రాజెక్టుకు నిరంతర నీటి సరఫరా అందించడానికి గోదావరి నదిపై ప్రణాళిక చేయబడింది. ఈ ప్రాజెక్ట్ 7,87,000 ఎకరాలకు సాగునీరు అందించనుంది. ఇది ఖమ్మం జిల్లా వ్యవసాయ రంగానికి గణనీయమైన ప్రోత్సాహాన్ని అందిస్తుంది.

Also Read: Pahalgam Terror Attack : ముస్లింలంతా చేయాల్సిన పని అదే – అసదుద్దీన్ ఒవైసీ కీలక పిలుపు

ప్రోగ్రెసివ్ ఆలోచనలతో భారత్ సమ్మిట్ 2025

తెలంగాణ రాష్ట్ర ప్రభుత్వం ప్రోగ్రెసివ్ ఆలోచనలతో భారత్ సమ్మిట్ 2025ని హైదరాబాద్‌లో ఏప్రిల్ 25, 26 తేదీల్లో నిర్వహిస్తూ, ప్రజాస్వామ్యం, న్యాయం, అహింస, సత్యం వంటి కాంగ్రెస్ మూల సిద్ధాంతాలను ప్రపంచానికి చాటడానికి వేదికగా నిలుస్తోంది. ఈ సమ్మిట్‌లో 100కు పైగా దేశాల నుండి 450 మంది ప్రతినిధులు, ప్రభుత్వ అధినేతలు, ఎంపీలు, జాతీయ పార్టీ నాయకులు, కార్పొరేట్ దిగ్గజాలు, థింక్ ట్యాంక్ సభ్యులు పాల్గొంటారు. ఈ కార్యక్రమం ద్వారా తెలంగాణను ప్రపంచానికి ఒక ప్రోగ్రెసివ్ మోడల్‌గా చూపించాలని రాష్ట్ర ప్రభుత్వం లక్ష్యంగా పెట్టుకుంది.

గతంలో అమెరికా, రష్యా మధ్య కోల్డ్ వార్ సమయంలో భారతదేశం అలీన విధానాన్ని స్వీకరించి ప్రపంచ రాజకీయాల్లో ప్రత్యేక స్థానం సంపాదించింది. ఈ స్ఫూర్తితో, కాంగ్రెస్ పార్టీ నాయకత్వంలో భారత్ సమ్మిట్ 2025 బండూంగ్ సమావేశం 70వ వార్షికోత్సవాన్ని స్మరిస్తూ, ఆధునిక సమస్యలపై చర్చలకు వేదిక కల్పిస్తుంది. రాహుల్ గాంధీ ఆలోచనల స్ఫూర్తితో, ఈ సమ్మిట్ ఆర్థిక న్యాయం, వాతావరణ న్యాయం, బహుసాంస్కృతికత, బహుపాక్షికత వంటి అంశాలపై రెండు రోజులపాటు చర్చలు జరుపుతుంది.