CM Revanth: జాతీయ రాజకీయాల్లో తెలుగువారి పాత్ర తగ్గుతోందని అభిప్రాయపడ్డారు తెలంగాణ కం రేవంత్ రెడ్డి. ఈ రోజు ఆదివారం ఎంసీఆర్‌హెచ్‌ఆర్‌డీ ఇనిస్టిట్యూట్‌లో ‘గవర్నర్‌పేట టు గవర్నర్స్‌ హౌస్‌’ పుస్తకాన్ని సీఎం రేవంత్‌రెడ్డి విడుదల చేశారు. మాజీ డీజీపీ, గవర్నర్ పీఎస్ రామ్ మోహన్ రావు పుస్తకాన్ని రచించారు. ఈ సందర్భంగా సీఎం రేవంత్‌రెడ్డి మాట్లాడుతూ.. ఈ కార్యక్రమానికి తనను ఆహ్వానించినందుకు నిర్వాహకులకు కృతజ్ఞతలు తెలుపుతూ, గత 76 ఏళ్లలో జ్ఞానాన్ని పొందిన మేధావులందరినీ కలవడం తనకు అద్భుతమైన అనుభవమని అన్నారు.
జాతీయ రాజకీయాల్లో తెలుగువారి పాత్ర తగ్గుముఖం పడుతోంది. సంజీవరెడ్డి, పీవీ నరసింహారావు, ఎన్టీఆర్ జాతీయ రాజకీయాలను శాసించే స్థాయికి ఎదిగారు. ఆ తర్వాత జైపాల్ రెడ్డి, వెంకయ్యనాయుడు జాతీయ రాజకీయాల్లో కీలక పాత్ర పోషించే వారసత్వాన్ని కొనసాగించారు. నేడు జాతీయ రాజకీయాల్లో తెలుగు నాయకుల పాత్ర దాదాపు శూన్యంగా కనిపిస్తుందన్నారు సీఎం. జాతీయ స్థాయిలో తెలుగు వారి మనుగడకు ఇది మంచి సంకేతం కాదు.. మనమందరం కలిసికట్టుగా ఉద్యమించి జాతీయ రాజకీయాల్లో తెలుగు ప్రజల రాజకీయ వైభవాన్ని పునరుద్ధరించాల్సిన తరుణమిదని చెప్పారు.
జాతీయ స్థాయిలో హిందీ తర్వాత ఎక్కువ మంది మాట్లాడే భాష తెలుగు అని అన్నారు సీఎం రేవంత్ రెడ్డి. అదే తరహాలో జాతీయ రాజకీయాల్లో కూడా ఆధిపత్యం చెలాయించాలని, కేంద్ర ప్రభుత్వంలో తెలుగు రాష్ట్రాలకు చెందిన నాయకులకు మంత్రి పదవులు అందడం లేదన్నారు. ఆంధ్రప్రదేశ్ రెండుగా విడిపోయినప్పటికీ తెలుగు ప్రజలంతా కలిసి మెలిసి జీవించాలని, సత్సంబంధాలు కొనసాగించాలని ముఖ్యమంత్రి రేవంత్ అభిప్రాయం వ్యక్తం చేశారు.
Also Read: BJP Alliance TDP-Janasena : వారం రోజుల్లో ఏపీలో పొత్తులపై స్పష్టత – బిజె