Group 1 Notification : గ్రూప్-1 కొత్త నోటిఫికేషన్.. 660 పోస్టుల భర్తీ ?

Strict rules for TSPSC Group 1 Exams on June 11th Sunday

Group 1 Notification : తెలంగాణలో లోక్‌సభ ఎన్నికలు సమీపిస్తున్న వేళ నిరుద్యోగ యువతకు సీఎం రేవంత్ సర్కారు మరో  గుడ్ న్యూస్ చెప్పనుంది. దాదాపు 660 గ్రూప్–1 పోస్టులను భర్తీ చేసేందుకు సర్కారు సిద్ధమవుతోంది. వాస్తవానికి 503 గ్రూప్ –1 పోస్టులను గతంలోనే గుర్తించారు. అదనంగా ఇంకా ఏమైనా ఖాళీలు ఏర్పడితే ఆ వివరాలు ఇవ్వాలని అన్ని శాఖలను రాష్ట్ర ప్రభుత్వం ఆదేశించింది. గ్రూప్–1(Group 1 Notification) పోస్టులను పెంచేందుకు ప్రభుత్వం సానుకూలంగా ఉన్నట్టు తెలిపింది. దీంతో అదనంగా 30 పోస్టులు ఖాళీగా ఉన్నట్టు అధికారులు గుర్తించారు. ఈ ఏడాది చివరి వరకు మరో 130 పోస్టులు ఖాళీ అవుతాయని తేల్చారు. అంటే పాతవి 503.. కొత్తవి  160 పోస్టులు కలుపుకుంటే మొత్తం గ్రూప్-1 పోస్టుల సంఖ్య 660 దాటుతుంది. వీటిని భర్తీ చేసేందుకు సర్కారు సిద్ధంగా ఉన్నట్టు తెలంగాణ సెక్రటేరియట్ వర్గాలు వెల్లడించాయి. ఖాళీగా ఉన్న పోస్టులకు మాత్రమే భర్తీ ప్రక్రియను చేపట్టాలా? త్వరలో ఖాళీ అయ్యే పోస్టులకు కూడా నోటిఫికేషన్ రిలీజ్ చేయాలా ? అనే అంశంపై ఆదివారం రోజు జరిగే రాష్ట్ర మంత్రివర్గ సమావేశంలో నిర్ణయం తీసుకుంటారని ప్రభుత్వ వర్గాలు చెబుతున్నాయి.  కొత్తగా నోటిఫికేషన్ ఇవ్వాలా? పాత నోటిఫికేషన్ కు కొనసాగింపుగా సప్లమెంటరీ నోటిఫికేషన్ ఇవ్వాలా? అనే అంశంపై మంత్రివర్గం సమావేశం తరువాత క్లారిటీ రానుంది.

We’re now on WhatsApp. Click to Join