Mutton Chicken Shops : రేపు మటన్, చికెన్ షాపులన్నీ బంద్.. ఎందుకంటే ..?

Mutton Chicken Shops :  మాంసాహార ప్రియులకు బ్యాడ్ న్యూస్. ప్రతీ సండే రోజు మార్కెట్‌కు వెళ్లి మటన్, చికెన్ తెచ్చుకునే వారికి.. ఈ సండే రోజు మటన్, చికెన్ దొరకదు. ఎందుకంటే ఈ ఆదివారం రోజున  మటన్, చికెన్ షాపులు తెరుచుకోవు. ఈమేరకు గ్రేటర్ హైదరాబాద్ మున్సిపల్ కార్పొరేషన్ ఆదేశాలు జారీ చేసింది. ఆదివారం రోజు మాంసం విక్రయాలను బంద్ చేయాలని ఆ ఆదేశాల్లో స్పష్టంగా పేర్కొంది. ఏప్రిల్ 21న (ఆదివారం రోజు) జైనుల మత గురువు మహావీర్ జయంతి ఉంది. జైనుల పండుగలలో  ఇది ముఖ్యమైనది. జైనులు పూర్తిగా మాంసాహారానికి దూరంగా ఉంటారు. జైనులకు సంఘీభావంగా నిలిచేందుకు, వారి మత విశ్వాసాలకు గౌరవించేందుకే ఈ ఆదివారం రోజు హైదరాబాద్‌లో మటన్, చికెన్ షాపులను బంద్ చేయించాలని గ్రేటర్ హైదరాబాద్ మున్సిపల్ కార్పొరేషన్ నిర్ణయించింది.