Warangal NIT Jobs : బీటెక్, ఎంఎస్సీ, ఎంసీఏ వంటి విద్యార్హతలు కలిగిన వారికి ఇదే మంచి అవకాశం. వరంగల్లో ఉన్న నేషనల్ ఇన్స్టిట్యూట్ ఆఫ్ టెక్నాలజీ (NIT) డైరెక్ట్ / డిప్యుటేషన్ ప్రాతిపదికన 56 నాన్ టీచింగ్ పోస్టులను భర్తీ చేస్తోంది. అర్హతలు, ఆసక్తి కలిగిన వారు జనవరి 7వ తేదీలోగా దరఖాస్తులను ఆన్లైన్లో సమర్పించొచ్చు. గ్రూప్-ఎ పోస్టులకు అప్లికేషన్ ఫీజు రూ.1000. గ్రూప్-బి, గ్రూప్-సి పోస్టులకు అప్లికేషన్ ఫీజు రూ.500. ఎస్సీ/ఎస్టీ/దివ్యాంగ/ మహిళా అభ్యర్థులకు ఫీజు లేదు. ఇంటర్వ్యూ, ధ్రువపత్రాల పరిశీలన ఆధారంగా అభ్యర్థులను ఎంపిక చేస్తారు.
ప్రిన్సిపల్ సైంటిఫిక్ / టెక్నికల్ ఆఫీసర్
ఈ పోస్టులు 3 ఉన్నాయి. వీటిలో రెండు అన్ రిజర్వుడ్ కేటగిరీలో ఉన్నాయి. 1 ఓబీసీలకు(Warangal NIT Jobs) రిజర్వ్ చేశారు. కనీసం 60 శాతం మార్కులతో బీఈ /బీటెక్, ఎంఎస్సీ, ఎంసీఏ పాసైన వారు అప్లై చేయొచ్చు. పని అనుభవం కూడా ఉండాలి. 56 ఏళ్లలోపు వారు అప్లై చేయొచ్చు. శాలరీ నెలకు రూ.1.44 లక్షల దాకా ఇస్తారు. డీఏ, ఇతర అలవెన్సులు లభిస్తాయి.
ప్రిన్సిపల్ స్టూడెంట్స్ యాక్టివిటీ అండ్ స్పోర్ట్స్ ఆఫీసర్ (ఎస్ఎఎస్)
ఈ పోస్టు 1 మాత్రమే ఉంది. ఇది అన్ రిజర్వుడ్ కేటగిరీలో ఉంది. సంబంధిత విభాగంలో కనీసం 60 శాతం మార్కులతో మాస్టర్స్ డిగ్రీ చేసి ఉండాలి. పని అనుభవం కూడా ఉండాలి. 56 ఏళ్లలోపు వారు అప్లై చేయొచ్చు. శాలరీ నెలకు రూ.1.44 లక్షల దాకా ఇస్తారు. డీఏ, ఇతర అలవెన్సులు లభిస్తాయి.
Also Read :Suchir Balaji : ‘ఓపెన్ ఏఐ’పై దావా.. మరుసటి రోజే సుచిర్ బాలాజీ సూసైడ్.. ఏం జరిగింది ?
- డిప్యూటీ రిజిస్ట్రార్ పోస్టు 1 మాత్రమే ఉంది. ఏదైనా విభాగంలో కనీసం 55 శాతం మార్కులతో మాస్టర్స్ డిగ్రీ పాసై ఉండాలి. పని అనుభవం ఉండాలి. 56 ఏళ్లలోపు వారు అప్లై చేయొచ్చు. ప్రతినెలా రూ.78,800 శాలరీతో పాటు డీఏ, ఇతర అలవెన్సులు లభిస్తాయి.
- ఎగ్జిక్యూటివ్ ఇంజినీర్(సివిల్) పోస్టు 1 ఉంది. సంబంధిత విభాగంలో ఫస్ట్ క్లాస్ మార్కులతో బీఈ/బీటెక్ పాసై ఉండాలి. పని అనుభవం అవసరం. 56 ఏళ్లలోపు వారు అప్లై చేయొచ్చు. ప్రతినెలా రూ.56,100 శాలరీతో పాటు డీఏ, అలవెన్సులు లభిస్తాయి.
- అసిస్టెంట్ రిజిస్ట్రార్ పోస్టు 1 ఉంది. ఏదైనా కనీసం 55 శాతం మార్కులతో మాస్టర్స్ డిగ్రీ, మేనేజ్మెంట్/ ఇంజినీరింగ్/ లా విభాగంలో పాసై ఉండాలి. పని అనుభవం ఉండాలి. 56 ఏళ్లలోపు వారు అప్లై చేయొచ్చు. ప్రతినెలా రూ.56,100 శాలరీతో పాటు డీఏ, ఇతర అలవెన్సులు లభిస్తాయి.
Also Read :One Nation One Election : 16న లోక్సభ ఎదుటకు ‘జమిలి’ బిల్లులు.. ఎన్నికలపై కీలక సవరణలివీ
- ఆఫీస్ అటెండెంట్ పోస్టులు 10 ఉన్నాయి. వీటిలో 6 అన్ రిజర్వుడ్ కేటగిరీలో ఉన్నాయి. 2 ఓబీసీలకు, 1 ఎస్సీలకు, 1 ఈడబ్ల్యూఎస్ వారికి రిజర్వు చేశారు. ఇంటర్ పాసైన వారు.. 27 ఏళ్లలోపు వయసు కలిగిన వారు అప్లై చేయొచ్చు. ప్రతినెలా రూ.18వేల శాలరీ ఇస్తారు. డీఏ, అలవెన్సులు లభిస్తాయి.
- ల్యాబ్ అసిస్టెంట్ పోస్టులు 13 ఉన్నాయి. వీటిలో 5 అన్ రిజర్వుడ్ కేటగిరీలో ఉన్నాయి. 4 పోస్టులు ఓబీసీలకు, 2 పోస్టులు ఎస్సీలకు, 2 పోస్టు ఈడబ్ల్యూఎస్ వారికి రిజర్వు చేశారు. ఇంటర్ పాసై, 27 ఏళ్లలోపు వయసు కలిగిన వారు అప్లై చేయొచ్చు. ప్రతినెలా రూ.18,000 శాలరీతో పాటు డీఏ, అలవెన్సులు లభిస్తాయి.
- అసిస్టెంట్ ఇంజినీర్ 03 పోస్టులు ఉన్నాయి. వీటిలో 2 సివిల్ విభాగం, 1 ఎలక్ట్రికల్ విభాగానికి చెందినది. 56 ఏళ్లలోపు వయసు కలిగిన వారు అప్లై చేయొచ్చు.
- సూపరింటెండెంట్ పోస్టులు 05 ఉన్నాయి. వీటిలో మూడు అన్ రిజర్వుడ్, ఓబీసీలకు 1, ఈడబ్ల్యూఎస్ వారికి 1 పోస్టును రిజర్వ్ చేశారు. 30 ఏళ్లలోపు వారు అప్లై చేయొచ్చు.
- జూనియర్ ఇంజినీర్ పోస్టులు 3 ఉన్నాయి. 30 ఏళ్లలోపు వారు అప్లై చేయొచ్చు.
- లైబ్రరీ అండ్ ఇన్ఫర్మేషన్ అసిస్టెంట్ పోస్టు 1 ఉంది.
- స్టూడెంట్స్ యాక్టివిటీ అండ్ స్పోర్ట్స్ అసిస్టెంట్(ఎస్ఎఎస్) పోస్టు 1 ఉంది. ఇది ఓబీసీలకు రిజర్వ్ అయింది. 30 ఏళ్లలోపు వారు అప్లై చేయొచ్చు.
- సీనియర్ అసిస్టెంట్ పోస్టులు 8 ఉన్నాయి. 33 ఏళ్లలోపు వారు అప్లై చేయొచ్చు. ఇంటర్ పాసై టైపింగ్, కంప్యూటర్ వర్డ్ ప్రాసెసింగ్ అండ్ స్ప్రెడ్షీట్లో ప్రావీణ్యం, కంప్యూటర్ స్కిల్స్, స్టెనోగ్రఫీ స్కిల్స్, బ్యాచిలర్ డిగ్రీ కలిగిన వారు అర్హులు.
- జూనియర్ అసిస్టెంట్ పోస్టులు 5 ఉన్నాయి. వీటిలో అన్ రిజర్వుడ్ వారికి 2, ఓబీసీలకు 2, ఈడబ్ల్యూఎస్ వారికి 1 రిజర్వు చేశారు. 27 ఏళ్లలోపు వారు అప్లై చేయొచ్చు. ఇంటర్ పాసై టైపింగ్, కంప్యూటర్ వర్డ్ ప్రాసెసింగ్ అండ్ స్ప్రెడ్షీట్లో ప్రావీణ్యం, కంప్యూటర్ స్కిల్స్, స్టెనోగ్రఫీ స్కిల్స్ కలిగిన వారు అర్హులు.