ప్రముఖ మెసెజింగ్ యాప్ వాట్సాప్ గురించి మనందరికీ తెలిసిందే. దేశవ్యాప్తంగానే కాకుండా ప్రపంచవ్యాప్తంగా చాలా మంది ఉపయోగిస్తున్న సోషల్ మీడియా యాప్స్ లో వాట్సాప్ కూడా ఒకటి. ఈ వాట్సాప్ సంస్థ ఇప్పటికే వినియోగదారుల కోసం ఎన్నో రకాల ఫీచర్లను అందుబాటులోకి తీసుకువచ్చిన విషయం తెలిసిందే. వినియోగదారులను ఆకర్షించడం కోసం ఎప్పటికప్పుడు కొత్త కొత్త ఫీచర్లను అందుబాటులోకి తీసుకు వస్తూనే ఉంది. కాగా మిలయన్ల కొద్దీ యూజర్లు ఉన్న మెటా యాజమాన్యం నడిచే వాట్సాప్ వారి వ్యక్తిగత భద్రతకు కూడా అధిక ప్రాధాన్యాన్ని ఇస్తుంది.
ఎండ్ టు ఎండ్ ఎన్‌క్రిప్షన్, స్కామ్ నివారణ, వీడియో కాల్‌ ల కోసం బ్యాక్‌గ్రౌండ్ ఫిల్టర్‌ లు, స్టేటస్ లైక్‌లు, ప్రైవేట్ ప్రస్తావనలు వంటి ఫీచర్ లతో సహా సురక్షితమైన, సులభమైన మెసేజింగ్ అనుభవాన్ని అందిస్తోంది. అలాగే చాట్లను మనకు అవసరమైన విధంగా మలుచుకునేందుకు, అంటే థీమ్స్ అందరికీ ఒకేలా ఉండకుండా ఎవరి ఇష్టం వచ్చినట్లు వారు పెట్టుకునేందుకు ఇప్పటి వరకూ అవకాశం లేదు. కానీ ఇప్పుడు వాట్సాప్ కొత్త కస్టమ్ చాట్ థీమ్స్ ఫీచర్‌ను తీసుకొచ్చేందుకు ప్రణాళిక చేస్తోంది. మరి అందుకు సంబంధించిన వివరాల్లోకి వెళితే.. వాట్సాప్ కొత్త కస్టమ్ చాట్ థీమ్ ఫీచర్‌ని బీటా వెర్షన్లో పరీక్షించడం ప్రారంభించింది. ఇది వినియోగదారులు వారి సంభాషణలను వ్యక్తిగతీకరించడానికి అనుమతిస్తుంది.
అయితే మొదటి సారి ఆగస్టులో ఈ ఫీచర్ గురించి నివేదించగా ఇప్పుడు వాట్సాప్ బీటా వినియోగదారులకు దీనిని అందుబాటులోకి తెచ్చింది. ప్రస్తుతం వాట్సాప్ వినియోగదారులు సిస్టమ్ డిఫాల్ట్, లైట్, డార్క్ థీమ్ ల మధ్య మారడానికి అనుమతిస్తుంది. అయితే, ఈ కొత్త అప్డేట్ తో గరిష్టంగా 22 విభిన్న చాట్ థీమ్‌లు, 20 రంగులతో అందుబాటులో ఉంటాయి. ఇవి మీ వ్యక్తిగత ఇష్టాలకు అనుగుణంగా వాటిని వినియోగించుకోవచ్చు. ఈ వెర్షన్ వాట్సాప్ డౌన్ లోడ్ చేసుకునేందుకు గూగుల్ ప్లే స్టోర్ లోకి శెల్లి ఆండ్రాయిడ్ వినియోగదారులు వాట్సాప్ వెర్షన్ 2.24.21.34ని డౌన్ లోడ్ చేసుకోవచ్చు. దీనిని ఇన్ స్టాల్ చేశాక, వినియోగదారులు వ్యక్తిగత చాట్ ల కోసం థీమ్ ను మార్చగలిగే కొత్త చాట్ థీమ్ సెట్టింగ్‌ ల పేజీని కనుగొంటారు. ఈ పేజీ చాట్ రంగు,నేపథ్య వాల్‌ పేపర్ రెండింటినీ అనుకూలీకరించడానికి సెట్టింగ్‌ లను కలిగి ఉంటుందట. అయితే వాట్సాప్ అంతటా స్థిరమైన రూపాన్ని కొనసాగించడానికి లేదా నిర్దిష్ట చాట్‌ల కోసం విభిన్న థీమ్ లను ఎంచుకోవడానికి యూజర్స్ అన్ని సంభాషణలకు డిఫాల్ట్ థీమ్ ను సెట్ చేసుకునే అవకాశం ఉంటుందట.
అలాగే అదనంగా కొత్త థీమ్‌ని ఎంచుకున్న ప్రతిసారి కాంప్లిమెంటరీ చాట్ రంగును వర్తింపజేయడానికి అప్డేట్ వినియోగదారులకు వస్తుందట. మరింత నియంత్రణను కోరుకునే వారి కోసం వాట్సాప్ ప్రతి సంభాషణకు చాట్ రంగును మాన్యువల్‌ గా సర్దుబాటు చేయడానికి వినియోగదారులను అనుమతిస్తుందట. ఈ మార్పులు ప్రైవేట్‌గా ఉంటాయని, వాటిని చేసిన వినియోగదారుకు మాత్రమే కనిపిస్తాయని,ఈ అద్భుతమైన ఫీచర్ బీటా టెస్టింగ్‌లో ఉన్నట్లు వాట్సాప్ తెలిపింది.. కొంతమంది బీటా వినియోగదారులు మాత్రమే అందుబాటులో ఉంటుంది. రాబోయే రోజుల్లో పూర్తి స్థాయిలో అందుబాటులోకి వచ్చే అవకాశం ఉందట.