ప్రముఖ మెసేజింగ్ యాప్ వాట్సాప్ గురించి మనందరికీ తెలిసిందే. దేశ వ్యాప్తంగానే కాకుండా ప్రపంచవ్యాప్తంగా నిత్యం లక్షలాది మంది వినియోగదారులు చాటింగ్ కోసం, వీడియో కాల్స్ ఇతర అవసరాల కోసం వాట్సాప్ ని ఉపయోగిస్తూనే ఉంటారు. అంతేకాకుండా రోజురోజుకీ స్మార్ట్ ఫోన్ వినియోగదారుల సంఖ్యతో పాటు వాట్సాప్ వినియోగదారుల సంఖ్య కూడా పెరుగుతూనే ఉంది. దీంతో వాట్సాప్ సంస్థ ఎప్పటికప్పుడు కొత్త కొత్త ఫీచర్లను అందుబాటులోకి తీసుకువస్తూనే ఉంది.ఈ నేపథ్యంలోనే తాజాగా వాట్సాప్ సంస్థ మరో సరికొత్త ఫీచర్ ని అందుబాటులోకి తీసుకువచ్చింది. ఆ వివరాల్లోకి వెళితే.. ఇటీవల వాట్సాప్ కొన్ని అప్డేట్ లని తీసుకు వచ్చిన విషయం తెలిసిందే.
ఒకే వాట్సాప్ అకౌంట్‌ను నాలుగు డివైజ్‌లలో వినియోగించుకొనే వెసులుబాటు, డిస్‌ అప్పిరింగ్‌ మెసేజ్‌లను సేవ్‌ చేసుకోవడం వంటివి ఉన్నాయి. ఇప్పుడు మరో అద్భుతమైన ఫీచర్‌ను తీసుకొచ్చేందుకు కసరత్తును ప్రారంభించింది. అదేంటంటే రెండు మూడు డివైజ్ లలో వాట్సాప్ వినియోగించేటప్పుడు వాట్సాప్ సాధారణంగా గూగుల్ పై ఆధారపడుతుంది. ఇప్పుడు గూగుల్ సపోర్ట్‌ లేకుండానే వివిధ డివైజ్‌లలో మీ చాట్‌లు ఓపెన్‌ అయ్యే విధంగా కొత్త అప్‌ డేట్‌ను వాట్సాప్ తీసుకొచ్చింది. వాట్సాప్ మీ చాట్లను వివిధ డివైజ్ లలో గూగుల్ డ్రైవ్‌ని వినియోగించుకొని సింక్రనైజ్‌ చేస్తుంది. ఇందుకోసం వాట్సాప్‌కు ఇప్పటి వరకూ ప్రత్యేకమైన డివైజ్ ఏమి లేదు. ముఖ్యంగా ఆండ్రాయిడ్‌ యూజర్లకు గూగుల్ డ్రైవ్ లోనే వాట్సాప్ చాట్లను బ్యాకప్ చేస్తుంది. ఆండ్రాయిడ్‌ వినియోగదారుల కోసం కొత్త ఫీచర్‌ను వాట్సాప్ అభివృద్ధి చేసింది.
గూగుల్ డ్రైవ్ ని వినియోగించుకోకుండా తన సొంతంగా చాట్లను బ్యాకప్ చేసుకొనేలా ఈ ఫీచర్ ను తీసుకొచ్చింది. ఇప్పటికే కొన్ని బీటా వెర్షన్ లలో ఈ అప్డేట్ ని పరీక్షించినట్లు స్పష్టం చేస్తోంది. వాట్సాప్ కొత్త చాట్‌ ట్రాన్స్‌ఫర్‌ ఫీచర్‌ను తీసుకొస్తోంది. కొంత మంది బీటా టెస్టర్లకు ఆండ్రాయిడ్‌ 2.23.9. 19 అనే అప్‌ డేట్‌ గూగుల్ ప్లే స్టోర్‌ లో అందుబాటులో ఉంది. త్వరలో ఇది అందరికీ అందుబాటులో ఉండనుంది. ఈ ఫీచర్ తో చాట్స్‌ ఒక డివైజ్ లోని వాట్సాప్ నుంచి కొత్త డివైజ్‌లోని వాట్సాప్‌కు ట్రాన్స్‌ ఫర్‌ అవుతాయి. ఈ విధానాన్ని ప్రారంభించాలంటే వినియోగదారులు ఓ క్యూఆర్‌కోడ్‌ ని స్కాన్ చేయాల్సి ఉంటుంది. ఆ తర్వాత వచ్చే సూచనలు ఫాలో అవ్వాలి. అప్పుడు చాట్‌ హిస్టరీ మొత్తం మరో డివైజ్‌లోకి వచ్చేస్తుంది. ఇది సులభంగా, వేగంగా చాట్‌ హిస్టరీ ట్రాన్స్‌ఫర్‌ ను అనుమతిస్తుంది. గూగుల్ డ్రైవ్ వినియోగించుకోకుండానే దీనిని ఇది నిర్వహిస్తుంది. కేవలం క్యూ ఆర్‌కోడ్‌ స్కాన్ తో చాట్‌ హిస్టరీని పొందడంతో పాటు బ్యాక్‌ కూడా చేసుకోవచ్చు.