Uber : హ‌డ‌లెత్తిస్తోన్న Uber `ఆడియో రికార్డ్‌` ఫీచ‌ర్

ola uber

ప్ర‌యాణీకులు, డ్రైవ‌ర్ ఆడియోను రికార్డ్ చేసే ఫీచ‌ర్ ను ఊబ‌ర్ తీసుకురాబోతుంది. డ్రైవర్లు ఈ చర్యను స్వాగతించినప్పటికీ, డేటా గోప్యతాపై నిపుణులు ప‌లు అనుమానాలు వ్య‌క్త‌ప‌రుస్తున్నారు. ఈ ఫీచర్‌ను ఓ స్పైవేర్‌తో పోల్చారు. Uber డ్రైవర్‌లు ఈ ఫీచర్‌ను అంగీకరించాలని ప్రయాణీకుల‌ను ఒత్తిడి చేస్తారని నిపుణులు అనుమానిస్తున్నారు.ప్రయాణికుల దృక్కోణంలో, ఏ పార్టీ అయినా ఉబెర్ యాప్ ద్వారా రికార్డ్ చేస్తుంటే, నోటిఫికేషన్ పంపాలి. అది లేకుండా, ఇది సరైందేనని న‌మ్మ‌లేమ‌ని నిపుణులు అంటున్నారు. ఈ ఫీచ‌ర్ అవతలి వ్యక్తిపై గూఢచర్యం చేయడం లాంటిది. అంతేకాదు చట్టబద్ధం కాదు అంటూ నిపుణులు చెబుతున్నారు.

వాహనంలోని ప్ర‌యాణీకుల‌ గోప్యత కోసం రికార్డ్ చేయబడిన కంటెంట్ ఎన్‌క్రిప్ట్ చేయబడుతుంద‌ని ఊబ‌ర్ చెబుతోంది. రైడర్‌లు లేదా డ్రైవర్లు దానిని వినలేరని వివ‌ర‌ణ ఇస్తోంది. అయితే, ఉబెర్ డేటాను ఇటీవలే హ్యాకర్ హ్యాక్ చేసిన విష‌యం విదిత‌మే. ప్రయాణీకుల కోసం రైడ్‌ను మరొకరు బుక్ చేస్తే, థర్డ్-పార్టీ డేటా షేరింగ్ సమస్య తలెత్తుతుంది. “ప్రత్యేక యాప్‌ని ఉపయోగించి ఆడియోను రికార్డ్ చేయకుండా డ్రైవర్‌ను నిరోధించ‌లేమ‌ని నిపుణులు చెబుతున్నారు.

ఫేషియల్ రికగ్నిషన్ టెక్నాలజీని ప్రభుత్వం ఉపయోగించడాన్ని సవాలు చేస్తూ గత సంవత్సరం PIL దాఖలు చేసిన సామాజిక కార్యకర్త మసూద్, గోప్యత హక్కుకు హామీ ఇచ్చే సుప్రీం కోర్టు పుట్టస్వామి తీర్పు ప్రకారం స్పష్టమైన అనుమతి లేకుండా రికార్డింగ్‌ను అనుమతించే ఫీచర్ చట్టవిరుద్ధమని అన్నారు. రికార్డింగ్‌లు ఎన్‌క్రిప్ట్ చేయబడతాయని Uber హామీ ఇచ్చిన‌ప్ప‌టికీ ఈ డేటా ఇత‌రుల‌కు షేర్ చేయబడుతుందో లేదో తెలియ‌దు. ఇంతకుముందు, ఫ్రాంచైజ్డ్ హోటళ్ల ప్రసిద్ధ హాస్పిటాలిటీ చైన్ పోలీసు డిపార్ట్‌మెంట్‌లు మరియు ఇతర ఏజెన్సీలతో కస్టమర్ డేటాను పంచుకున్నట్లు కనుగొనబడింది.

ఇండియన్ ఫెడరేషన్ ఆఫ్ యాప్ ఆధారిత ట్రాన్స్‌పోర్ట్ వర్కర్స్ (IFAT) జాతీయ ప్రధాన కార్యదర్శి షేక్ సలావుద్దీన్ మాత్రం ఇది మంచి ఫీచర్ గా భావిస్తూ స్వాగ‌తిస్తున్నారు. అయితే కస్టమర్ల KYCని ముందుగా పూర్తి చేయాలి. మొత్తం మీద ఊబ‌ర్ కొత్త ఫీచ‌ర్ ప్ర‌యాణీకుల గోప్య‌త‌ను ప్ర‌శ్నించేలా ఉంద‌ని తెలుస్తోంది.