Super Fast Display : సూపర్ ఫాస్ట్ డిస్ప్లే ఆప్షన్లతో ‘రియల్మీ జీటీ నియో 6 ఎస్ఈ’ మోడల్ స్మార్ట్ ఫోన్ లాంచ్ అయింది. ఇందులో 6.78 అంగుళాల 1.5కే (1,264x 2780 pixels) ‘8టీ ఎల్టీపీవో ఓఎల్ఈడీ డిస్ప్లే’ ఉంది. దీని స్క్రీన్ రిఫ్రెష్ రేట్ 120 హెర్ట్జ్. టచ్ శాంప్లింగ్ రేట్ 360 హెర్ట్జ్. పీక్ బ్రైట్నెస్ 6000 నిట్స్. గేమింగ్కు సపోర్ట్ చేసే ప్రత్యేకమైన డిస్ప్లే ఈ ఫోన్లో ఉంది. ఈ తరహా డిస్ప్లేతో మొబైల్ లాంచ్ కావడం ప్రపంచంలో ఇదే తొలిసారి అని అంటున్నారు. 6000 నిట్స్ పీక్ బ్రైట్నెస్ ఉన్న మొదటి ఫోన్ కూడా ఇదేనని చెబుతున్నారు. దీని మరిన్ని వివరాలివీ..
We’re now on WhatsApp. Click to Join
వాస్తవానికి రియల్మీ జీటీ నియో 6 ఎస్ఈ స్మార్ట్ ఫోన్ లాంఛ్ అయింది మన దేశంలో కాదు చైనాలో!! ఇది క్వాల్కాం స్నాప్డ్రాగన్ 7 ప్లస్ జెన్ 3 ఆపరేటింగ్ సిస్టంపై పనిచేస్తుంది. 16 జీబీ వరకు ఎల్పీడీడీఆర్ 5ఎక్స్ ర్యామ్, 512 జీబీ వరకు యూఎఫ్ఎస్ 4.0 ఆన్బోర్డ్ స్టోరేజీ ఇందులో ఉంటాయి. గేమింగ్ కోసం ఇందులో ప్రత్యేకంగా 3డీ కూలింగ్ సిస్టం ఉంది. ఈ ఫోన్ వెనకవైపు 50 మెగాపిక్సెల్ డ్యూయల్ కెమెరా సెటప్ ఉంటుంది. 100W వైర్డ్ ఫాస్ట్ ఛార్జింగ్ను(Super Fast Display) సపోర్ట్ చేసే 5500 ఎంఏహెచ్ బ్యాటరీ అందుబాటులో ఉంది.
రియల్మీ జీటీ నియో 6 ఎస్ఈ ఫోన్ నాలుగు వేరియంట్లలో లభించనుంది. బేస్ వేరియంట్ ధర మన దేశంలో దాదాపు రూ.18,000 ఉంటుందని అంచనా వేస్తున్నారు. రెండు కలర్ వేరియంట్లలో ఈ ఫోన్ చైనా మార్కెట్లో లాంచ్ అయింది. త్వరలో మనదేశంలోనూ ఇది అందుబాటులోకి వచ్చే అవకాశం ఉంది.