ఇటీవల కాలంలో మార్కెట్లోకి ఎక్కువ శాతం బడ్జెట్ స్మార్ట్ ఫోన్లే ఎక్కువగా విడుదల అవుతున్నాయి. వినియోగదారులు సైతం ఈ బడ్జెట్ స్మార్ట్ ఫోన్ల వైపు ఎక్కువగా మొగ్గుచూపుతుండడంతో, మొబైల్ తయారీ సంస్థలు కూడా తక్కువ బడ్జెట్ లోనే అత్యధిక ఫీచర్లు కలిగిన స్మార్ట్ ఫోన్లను విడుదల చేస్తున్నాయి. అలా ఇప్పటికే చాలా రకాల స్మార్ట్ ఫోన్ తయారీ సంస్థలు బడ్జెట్ స్మార్ట్ ఫోన్లను విడుదల చేసిన విషయం తెలిసిందే. ఇప్పుడు మరో బడ్జెట్ స్మార్ట్ ఫోన్ కూడా వినియోగదారులను విపరీతంగా ఆకర్షిస్తోంది. మరి ఆ వివరాల్లోకి వెళితే..
తాజాగా చైనాకు చెందిన ప్రముఖ స్మార్ట్ ఫోన్ దిగ్గజం టెక్నో భారత మార్కెట్లోకి కొత్త ఫోన్‌ను తీసుకొస్తోంది. టెక్నో స్పార్క్‌ గో1 పేరుతో ఈ ఫోన్ ను తీసుకొస్తున్నారు. మరి త్వరలోనే విడుదల కాబోతున్న ఈ స్మార్ట్ ఫోన్ కి సంబంధించి మరిన్ని వివరాల్లోకి వెళితే.. గత ఏడాది విడుదల చేసిన టెక్నో స్కార్క్‌ గో 2024 ఫోన్‌కి కొనసాగింపుగా ఈ ఫోన్ ను తీసుకొస్తున్నారు. ఈ ఫోన్ ఫీచర్ల విషయానికొస్తే.. టెక్నో స్పార్క్‌ గో1లో 6.67 ఇంచెస్‌ తో కూడిన డిస్‌ప్లేను అందించనున్నారు. అలాగే 720×1600 పిక్సెల్స్ రిజొల్యూషన్ ఈ స్క్రీన్‌ సొంతం. ఈ ఫోన్ యూనిసోక్‌ టీ615 ప్రాసెసర్‌ తో పనిచేస్తుంది. అలాగే ఆండ్రాయిడ్‌ 14గో ఎడిషన్‌ ఆపరేటింగ్ సిస్టమ్‌ తో ఈ ఫోన్ పనిచేస్తుంది.
కెమెరా విషయానికొస్తే.. ఇందులో ఎల్ఈడీ ఫ్లాష్ యూనిట్‌తో పాటు డ్యుయల్ రేర్ కెమెరా సెటప్‌ ను కూడా ఇవ్వనున్నారు. అలాగే సెల్ఫీలు, వీడియో కాల్స్ కోసం టాప్‌ లో సెంటర్డ్ హోల్ పంచ్ స్లాట్ తో ఫ్రంట్ కెమెరాను అందించనున్నారు. 13 మెగా పిక్సెల్స్‌తో కూడిన రెయిర్‌ కెమెరా, 8 మెగా పిక్సెల్స్‌తో కూడిన ఫ్రంట్ కెమెరాను కూడా అందించనున్నారు. అలాగే బయో మెట్రిక్ అథంటికేషన్ కోసం సైడ్ మౌంటెడ్ ఫింగర్ ప్రింట్ సెన్సర్, ఇన్‌ఫ్రారెడ్ రిమోట్ కంట్రోల్ సెన్సార్ లను అందిచారు. ఈ ఫోన్లో 15 వాట్స్‌ ఛార్జింగ్‌కు సపోర్ట్ చేసే 5000 ఎంఏహెచ్‌ కెపాసిటీతో కూడిన బ్యాటరీని అందించనున్నారు. డ్యూయల్‌ స్టీరియో స్పీకర్స్‌తో తీసుకొచ్చిన ఈ ఫోన్ 4జీ నెట్‌వర్క్‌కి సపోర్ట్ చేస్తుంది. ఇకపోతే ధర విషయానికొస్తే.. ఈ ఫోన్ ధర రూ. 8500 గా ఉండొచ్చని అంచనా.