సౌత్ కొరియాకు చెందిన ప్రముఖ స్మార్ట్ ఫోన్ తయారీ సంస్థ శాంసంగ్ ఇప్పటికే మార్కెట్లోకి ఎన్నో రకాల స్మార్ట్ ఫోన్ లను విడుదల చేసిన విషయం తెలిసిందే. వినియోగదారుల కోసం ఇప్పటికే మంచి మంచి స్మార్ట్ ఫోన్లను కూడా అందుబాటులోకి తీసుకువచ్చిన శాంసంగ్ సంస్థ ఎప్పటికప్పుడు మరిన్ని కొత్త కొత్త ఫీచర్ లు కలిగిన స్మార్ట్ ఫోన్ లను తీసుకువస్తూనే ఉంది. అలాగే ఇప్పటికీ మార్కెట్లోకి విడుదల చేసిన స్మార్ట్ ఫోన్ లపై భారీగా డిస్కౌంట్ లను కూడా ప్రకటిస్తోంది. కాగా శాంసంగ్ ఇప్పుడు మార్కెట్ లోకి శాంసంగ్ ఏ56 పేరుతో కొత్త ఫోన్ ను తీసుకొచ్చేందుకు సన్నాహాలు సిద్ధం చేస్తోంది.
ఈ స్మార్ట్ ఫోన్‌లో 6.67 ఇంచెస్‌తో కూడిన డిస్‌ప్లేను ఇవ్వనున్నారని తెలుస్తోంది. 1080 x 2340 రిజల్యూషన్, 120Hz రిఫ్రెష్ రేట్‌ తో ఈ స్క్రీన్‌ ను తీసుకొస్తున్నట్లు తెలుస్తోంది. అయితే ఈ ఫోన్ లో కెమెరాకు అధిక ప్రాధాన్యత ఇవ్వనున్నారు. కెమెరాకు అధిక ప్రాధాన్యత ఇస్తున్న ఈ ఫోన్‌లో ఏకంగా 280 మెగా పిక్సెల్స్‌ తో కూడిన ప్రైమరీ కెమెరాను ఇవ్వనున్నారు. అలాగే సెల్పీలు, వీడియో కాల్స్‌ కోసం ఇందులో 62 ఎంపీతో కూడిన ఫ్రంట్‌ కెమెరాను కూడా ఇవ్వనున్నారు. ప్రైమరీ కెమెరాతో 4కే రిజల్యూషన్ తో కూడిన వీడియోలను చిత్రీకరించవచ్చు. అధునాతన ఇమేజ్ ప్రాసెసింగ్ అనుభవాన్ని ఇచ్చేలా ఈ కెమెరాను డిజైన్‌ చేయనున్నట్లు తెలుస్తోంది.
తక్కువ లైటింగ్ ఉన్న కండిషన్స్‌ లో కూడా క్లారిటీ ఫొటోలను ఈ కెమెరా అందించనుందని తెలుస్తోంది. ఇక ఈ ఫోన్ లో బ్యాటరీకి కూడా పెద్ద పీట వేయనున్నారని తెలుస్తోంది. సామ్‌సంగ్ ఏ56లో ఏకంగా 7600 ఎమ్‌ఏహెచ్‌ కెపాసిటీ గల బ్యాటరీని అందించనున్నారని తెలుస్తోంది. లాంగ్ లాస్టింగ్ ఛార్జింగ్‌ తో ఈ ఫోన్ పనిచేస్తుందట. సామ్‌సంగ్ ఏ56 స్మార్ట్ ఫోన్‌ను 8 జీబీ ర్యామ్‌, 256 జీబీ స్టోరేజ్‌తో తీసుకురానున్నారని తెలుస్తోంది. ఈ స్మార్ట్ ఫోన్ కి సంబంధించిన మరిన్ని వివరాలతో పాటు ధర వివరాలు ఇంకా తెలియాల్సి ఉంది.